Талибан кыймылы. Архивдик сүрөт

Талибдерди Афганистан тууралуу сүйлөшүү үчүн Москвага чакырышты

273
(жаңыланган 17:17 07.10.2021)
Россия бийлиги "Талибан"* кыймылынын өкүлдөрүн Афганистан тууралуу "Москва форматындагы" жолугушууга чакырды. Иш-чара 20-октябрга белгиленген.

БИШКЕК, 7-окт. — Sputnik. Россия талибдерди Афганистан тууралуу "Москва форматындагы" жолугушууга келип кетүүгө чакырды. Иш-чара 20-октябрга белгиленгенин РФ президентинин Афганистан боюнча атайын өкүлү Замир Кабуловдун сөзүнө таянып РИА Новости жазды.

Ал журналисттердин суроосуна жооп берип жатып талибдердин чакырылганын тастыктады. Бирок Афганистандын жаңы бийлигинин делегациясын ким жетектеп келерин айткан жок.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Атап айтканда, сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып Талибан* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Андан тышкары, афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

* — Кыргызстанда жана башка мамлекеттерде тыюу салынган уюм

273
Белгилер:
Афганистан, Россия, кызматташуу
Тема:
Афган бийлиги менен талибдердин тиреши (257)
Тема боюнча
Гани Афганистандан 169 млн. доллар чыгарып кеткенби? АКШ изилдөөдө
Афган качкындарын АКШ кабыл алышы керек. Сурамжылоонун жыйынтыгы
Путин Тажикстандын президенти менен Афганистандагы кырдаалды талкуулады

SputnikPro долбоору: дүйнө жүзүндөгү журналисттерге мастер-класс өткөрүлдү

22
(жаңыланган 15:43 17.10.2021)
Москвада Sputnik маалымат агенттиги жана радиосунун долбоору — SputnikPro модулу бир нече өлкөнүн журналисттерине өткөрүлдү.

Анда Sputnik, @rt_russian, Ruptly жана башка ЖМКлардын алдыңкы журналисттери кесиптештерине тажрыйбалары менен бөлүштү.

Уюштуруучулардын айтымында, ТИМ тарабынан уюштурулган чет өлкөдөгү мекендештердин конгрессинин дээрлик ар бир катышуучусу өз өлкөсүндө ири аудитория менен ЖМК же жеке блогу аркылуу баарлашат. Спикерлер ушул багытта мындан да жакшы жана заманбап иш алып барууну айтып берди.

Алар сайтка жана социалдык тармакка жүктөлгөн маалыматтар, аны берүүнүн жолу, сүрөт жана видео тартуу жана алуунун ыкмасы тууралуу топтогон тажрыйбалары менен бөлүштү. Популярдуу болуп жаткан TikTok жана Instagram менен иштөөнү да үйрөтүшкөн.

22
Белгилер:
Sputnik, SputnikPro, долбоор, ЖМК, тажрыйба, иш-чара, журналист
Тема боюнча
Россиялык эксперт журналисттерге көздөгөнүнө жеткире турган 5 кеңеш айтты
Жумуштагы аял. Архивдик сүрөт

Аялдар кесиптешин, ал эми эркектер жетекчисин көрө албайт. Сурамжылоо

67
Кесиптешинин командировкалап жүргөнүнө, ал тургай эмгек өргүүгө чыгып бара жатканына ичи күйгөндөр да кездешкен.

БИШКЕК, 17-окт. — Sputnik. Россияда өткөн сурамжылоо аялдар бирге иштегендерди, ал эми эркектер жетекчисин көрө албастыгын көрсөткөн. Бул туурасында РИА Новости "Работа.ру" изилдөө кызматы жарыялаган маалыматтарга таянып билдирген.

Сурамжылоодо россиялыктардын арбыны бирге иштешкендерге, жетекчисине деле суктанып, ичи күйбөй тургандыгы, бирок алардын арасында баары бир ичи тарыган сезимге алдыргандар болору жазылган.

"Тогуз аймактын жетөөсүндөгү респонденттер жумуштагыларына да, начальнигине да ич күйдүлүк менен карабай тургандыгын айтып беришкен. Бирок муну менен катар эле көрө албагандар аялдардын (78 пайыз) да, эркектердин (76 пайыз) да арасында кезиккени айтылган. Жалпысынан адистер өлкөнүн ар кыл жеринен 10 миңге чукул адамды сурамжылоого алышкан", — деп айтылат маалыматта.

Сурамжылоого катышкан ар бир алтынчы россиялык (16 пайызы) өзүнүн жетекчисин көрө албайт экен. Эркектер арасында бул көрсөткүч 18 пайызды, ал эми аялдар арасында 15 пайызды түзгөн. Жумуштагыларга жогорудагыдай сезим менен карагандар изилдөөдө жети пайыз деп көрсөтүлгөн. Эркектерге (алты пайыз ) караганда кыз-келиндер көбүрөөк (7 пайыз) "суктанат" экен.

Россиялыктардын негизинен көп айлык алгандарга "кайдыгер карашпай" турганы белгилүү болду, бул туурасында респонденттердин 82 пайызы айтып беришкен. Алардын 30 пайызы коллегасынын иштеги жакшы шартына аны менен кошо кубанбайт. Дагы 29 пайызы ыңгайлуу график менен иштегендерди, 27 пайызы кызматын көрө албайт. Суражмылоого алынгандардын ар бир төртүнчүсү (25 пайызы) башкалардын аралыктан иштеп жатканына көз артары белгилүү болгон.

Респонденттердин 23 пайызы бирге иштегендердин акчалай сыйлык алганына жини келсе, 21 пайызы кызыктуу долбоор менен иштеп жатканына "башкача" көз карашта болот экен. Сурамжылоого алынгандардын арасында иши аздарга жана андан сырткары командировкалап жүргөндөргө да кабак алдынан карагандар чыккан. Булар 17 пайызды түзгөн. Ал эми жумуштагы кесиптешинин эмгек өргүүгө чыгып бара жаткандарга ичи өрттөнгөндөр 16 пайыз болгон.

67
Белгилер:
Россия, аял, эркек, статистика, сурамжылоо, жумуш
Тема боюнча
Быйыл ар бир төртүнчү россиялыктын айлыгы көбөйдү. Сурамжылоо
Бишкектин тургундары милициянын ишине кандай баа берет? Сурамжылоо
Ажыкулов: сурамжылоо боюнча ишкерлердин 60%ы банкрот болду
Лампочка. Архивдик сүрөт

Эртең Бишкектин 21 көчөсүндө электр энергиясы болбойт. Тизме

15
Адистер пландалган оңдоп-түзөө иштерин жүргүзүшөрүн, электр кубаты кыска мөөнөткө өчөрүн кабарлашты.

БИШКЕК, 17-окт. — Sputnik. Дүйшөмбү, 18-октябрда, Бишкектин бир катар райондорунда электр энергиясы өчүрүлөрү күтүлүп жатат. Бул туурасында "Түндүк электр" ишканасынан кабарлашты.

Бригадалар эл жашаган үйлөрдөгү тийиштүү тармактарды техникалык кароодон өткөрүп, зарылдыгы болгон жерлерде трансформаторлорду алмаштырары айтылды.

Төмөнкү сааттарда жана төмөнкү аймактарда электр кубаты өчүрүлөт:

  • 8:00 - 17:00 — Проскуряков көчөсүнүн тилкесинде;
  • 9:00 - 17:00 — Токтоналиев көчөсүндөгү № 54 үйдө;
  • 9:00 - 18:00 — Дэн Сяопин проспектинин, Месарош, 9-январь, Орозов, Жамгырчинов, Кайназарова көчөлөрүнүн, Гатчинск кууш көчөсүнүн тилкелеринде, Арча-Бешик ( Чатыр-Көл көч.), Ак-Босого ( Чүй 16-21, 31-34, 39-41, Түлөбердев көч.) конуштарында;
  • 9:30 - 12:00 — Ала-Тоо, Жукеев-Пудовкин, Медеров, Карасаев көчөлөрүнүн, Гвардия, Кокан, Вишнев  кууш көчөлөрүнүн тилкелеринде;
  • 9:30 - 16:00 — 5-кичи райондо (№ 59-61, 63 үйлөр);
  • 9:30 - 17:00 — 3-кичи райондо (№ 25 үйдө);
  • 9:30 - 19:00 — Элебесов көчөсүнүн, Дорожный чолок көчөсүнүн тилкелеринде жана Кайыңды конушунда;
  • 14:00 -17:00 — "Ала-Арча" мамлекеттик резиденциясында.
15
Белгилер:
Кыргызстан, Бишкек, электр кубаты, өчүрүү
Тема боюнча
Жаан жаабайбы? Бир жумага карата аба ырайы