Лондондогу азык-түлүк дүкөнү. Архивдик сүрөт

Кыргызстанда эле эмес. Азык-түлүктүн кымбатташы 40 жылдан бери рекорд койду

481
(жаңыланган 10:07 08.10.2021)
Аналитик кардарлардын мүмкүнчүлүгү чексиз эмес экенин айтып, кайсы бир учурда баалар андан ары өсө албай кала турган учур келерин белгилеген.

БИШКЕК, 8-окт. — Sputnik. Бир жыл ичинде тамак-ашка болгон дүйнөлүк баанын индекси 27 пайызга өстү. Бул акыркы 40 жыл ичиндеги рекорддук көрсөткүч экенин INFOLine маалыматтык-аналитикалык агенттигинин башкы директору Иван Федяков билдиргенин Ura.ru басылмасы жазды. 

Ал тамак-аштын баасы гана эмес, азык-түлүктүн бардык түрүнүн наркы көтөрүлгөнүн белгилеген.

"Жашылча-жемиш, тамак-аш, сүт азыктары эле кымбаттабастан, тоют, жер семирткичтердин да наркы өстү", — деди эксперт.

Аналитик кардарлардын мүмкүнчүлүгү чексиз эмес экенин айтып, кайсы бир учурда баалар андан ары өсө албай турган учур келерин кошумчалаган.

481
Белгилер:
БУУнун Бүткүл дүйнөлүк азык-түлүк программасы, баа, аналитика, тоют
Тема боюнча
Быйыл түшүм аз. Кыргызстанда азык-түлүк кымбаттайбы?
Багдад шаары, Ирак. Архив

ТИМ Багдадда каза тапкан кыргызстандык аялдын өлүмүн териштирип жатат

133
Буга чейин журналисттерге аялдын тууганы кайрылып, сиңдиси бир нече күндөн бери жок экенин айткан. ТИМ анын каза тапканын тастыктады.

БИШКЕК, 27-окт. — Sputnik. Иракта кыргызстандык аял көз жумуп, сөөгүн мекенге алып келүү иштери жүрүүдө. Бул тууралуу ТИМдин маалымат кызматы кабарлады.

Буга чейин ЖМКлардын бирине аялдын тууганы кайрылып, сиңдиси бир нече күндөн бери байланышка чыкпай жатканын айткан. Анын айтымында, тууганы эки жума мурун өзү иштеген сулуулук салонунун жетекчиси менен уруша кеткен.

ТИМ кечээ, 26-октябрда, Ирак тарап менен сүйлөшүүлөр жүргүзүлгөнүн билдирди. Көз жумган С.М. аттуу аялдын сөөгү Багдаддагы өлүкканада экени белгилүү болгон.

Кыргызстандын Кувейттеги элчилигине аялдын каза болгону тууралуу күбөлүктүн көчүрмөсү да келген. Анын өлүмүнүн себебин билүү үчүн соттук-медициналык экспертизанын жыйынтыгы чыгышы керек.

ТИМ учурда маркумдун күйөөсүнө виза алып берип, сөөктү Кыргызстанга жөнөтүүгө көмөктөшүүдө. Министрлик бул маселе көзөмөлүндө экенин белгиледи.

133
Белгилер:
Ирак, Багдад, Кыргызстан, ТИМ, аял, өлүм, териштирүү
Тема боюнча
Түркия: кыргызстандык келинди кайнатасы эмнеге өлтүргөнүн айтып берди
Екатеринбург аэропортундагы жүргүнчүлөр. Архив

Россия 2030-жылга чейин мигранттарды тартуу үчүн кандай аракет көрөрүн айтты

80
(жаңыланган 11:34 27.10.2021)
COVID-19 пандемиясы күч алып кетпесе, Россия алдыдагы он жылдын ичинде мигранттарды тартуу үчүн жакшы шарттарды түүзүп берерин билдирди.

БИШКЕК, 27-окт. — Sputnik. Россия өкмөтү 2030-жылга чейин өлкөдө мигранттардын саны өсүп, улуттук программалардын туруктуу ишке ашышына шарт түзүлөт деп үмүт артууда. Маалымат РФтин Экономикалык өнүктүрүү министрлигинин сайтына жарыяланды.

Документте айтылгандай, Россия келечекте коомго бат аралашып кете турган чет элдик адистерди тартуу жолу менен мигранттардын санын жогорулатууну көздөп жатат.

"Ал үчүн Россия өзү кам көрөт. Мисалы, чет элдиктердин Россияда билим алышына шарттар түзүлөт. Социалдык-маданий жактан бат көнүп кетүү үчүн аракеттер көрүлөт. Ошондой эле жаш жана таланттуу кадрларды тартуу үчүн аларга ыңгайлуу шарттар каралат", — деп айтылат маалыматта.

Мындан тышкары, мигранттар көп келчү өлкөлөрдө орус тилин өнүктүрүү боюнча программалар ишке ашары кошумчаланды.

80
Белгилер:
Россия, миграция, аракет, план
Тема боюнча
Москвада мигранттар COVID-19га акысыз экспресс-тест тапшыра алат. Шарты
Жолдогу автоунаалар. Архив

Айып пул төлөбөгөн айдоочуларга жаңы жаза сунушталууда

0
(жаңыланган 14:59 27.10.2021)
2019-жылга чейин айдоочу эреже бузган учурда айдоочулук күбөлүгү алынып, убактылуу күбөлүк берилчү. Бирок 30 күн ичинде өзүнүкүн алуу үчүн айып пулду төлөп берүүгө аргасыз болчу.

БИШКЕК, 27-окт. — Sputnik. ИИМдин алдындагы Жол коопсуздугун камсыздоо башкы башкармалыгы жол эрежесин бузгандыгы үчүн айып пул төлөө шарттарын аткарбаган айдоочулардын автоунаасын айып короого камоо боюнча Бузуулар кодексине өзгөртүү киргизүүнү демилгеледи. Бул тууралуу ЖКККББнын начальнигинин орун басары Манас Сыдыгалиев Sputnik Кыргызстан агенттигинин борборундагы брифингде айтты.

Маалыматка караганда, буга чейин айып пулду натыйжалуу төлөтүп алуу механизми гана иштечү.

"2019-жылга чейин айдоочу эреже бузган учурда айдоочулук күбөлүгү алынып, убактылуу күбөлүк берилчү. Бирок 30 күн ичинде өзүнүкүн алуу үчүн айып пулду төлөп берүүгө аргасыз эле", — деди Сыдыгалиев.

Бирок андан кийин Бузуулар тууралуу жаңы кодекске ылайык, бул практика токтотулган.

"Азыр айдоочу эреже бузса, биз протокол түзүп, колуна беребиз. Айрымдары ошол жерден эле протоколду таштап койгон учурлар болот. Демек, айып төлөтүп алуу ыкмаларыбыз майнапсыз. Андыктан биз карызы бар айдоочунун автоунаасын айып короого киргизүүнү сунуштап жатабыз", — деди орун басар.

Жаңы демилгеге ылайык, айдоочу айып пулду төлөгөндөн кийин гана машинасын чыгарып кете алат.

0
Белгилер:
автоунаа, айдоочу, айып пул, өзгөртүүлөр, сунуш, мыйзам, кодекс
Тема боюнча
Кененбаева: "Коопсуз шаар" алкагында жол кырсыктары 20%га азайды
"Коопсуз шаардын" айып пулдары кайда кетет. Министрлик түшүндүрмө берди