Медициналык кызматкерлер COVID-19дан каза болгон адамды кремация камерасына салып жатат. Архив

COVID алып кеткен өмүрлөр жана ооругандар. 9-октябрга карата дүйнөлүк статистика

84
(жаңыланган 12:17 09.10.2021)
Каза тапкандар менен ооругандар боюнча АКШ алдыга чыкса, андан кийинки көрсөткүч Бразилияга туура келген. Үчүнчү Индия болгон.

БИШКЕК, 9-окт. — Sputnik. Дүйнө боюнча 2021-жылдын 9-октябрына карата статистика коронавирус Жер планетасында 4 842 443 бейтаптын өмүрүн алып, 237 224 675 адамга жуккандыгын көрсөттү. Бул тууралуу РИА Новостинин Telegram каналы Жон Хопкинс университетине шилтеме кылып жазды.

Каза тапкандар менен ооругандар боюнча АКШ алдыга чыкса, андан кийинки көрсөткүч Бразилияга туура келген. Үчүнчү Индия болгон.

Төмөндө COVID-19дан улам адам өлүмү жана оорусу көп катталган 10 өлкөнүн тизмеси:

АКШ — 712 693 бейтап көз жумса, 44 289 976 адам ооруган;

  • Бразилия — 600 425 / 21 550 730;
  • Индия — 450 127 / 33 915 569;
  • Мексика — 281 610 / 3 714 392;
  • Россия — 210 673 / 7 602 386;
  • Перу — 199 615 / 2 183 025;
  • Индонезия 142 560 / 4 225 871;
  • Британия — 137 945 / 8 119 406;
  • Италия — 131 228 / 4 695 291;
  • Колумбия — 126 552 / 4 969 131.

Коронавирустун аягы Кыргызстанда да үзүлгөн жок. 9-октябрга карата маалыматтарда 66 кишиден коронавирус табылып, эки бейтап көз жумду.

84
Белгилер:
АКШ, Бразилия, Индия, коронавирус, статистика, Жон Хопкинс университети
Тема:
Дүйнөгө жайылган коронавирус (1561)
Тема боюнча
Сингапурлук окумуштуу коронавирустун жаңысы пайда болорун божомолдоду
Түгөйлөр. Архивдик сүрөт

Германияда бойго бүтүүдөн коргоочу инновациялык аппарат ойлоп табышты

36
Аппаратты эркектин жыныстык органына жакын алып келип, бир аз убакытка иштетип кармап туруу керек. Андан чыккан ультраүндүү толкундар бел суунун активдүүлүгүн эки айга чейин токтотуп коёт.

БИШКЕК, 22-окт. – Sputnik. Германиялык дизайнер Ребекка Вайс адистер менен биргеликте эркектин уругунун активдүүлүгүн басаңдатып, бойго бүтүүдөн сактай турган аппарат ойлоп тапты. Бул тууралуу National Geographic Россия басылмасы жазды.

Жаңы аппарат эркектин уругунун активдүүлүгүн ультраүндүү толкундар менен басаңдатып коёт.

"Аппаратты эркектин жыныстык органына жакын алып келип, бир аз убакытка иштетип кармап туруу керек. Бул процедураны эки апта бою кайталоо зарыл. Андан чыккан ультраүндүү толкундар бел суунун активдүүлүгүн эки айга чейин токтотуп коёт. Тагыраак айтканда, урук энелик бездер менен биригип жаңы жашоо жарата албай калат. Бирок анын ден соолукка зыяны жок", — деди Вайс.

Аппаратты иштеп чыккандар алардын табылгасы үй-бүлөнү пландоодо көптөр күткөн жакшы жардамчы болот деп эсептейт.

"Азыркы бойго бүтүп калуудан коргоочу каражаттар бардык эле түгөйлөргө жага бербейт. Ден соолукка дагы залакасын тийгизиши мүмкүн. Мисалы, мага бул идея өзүм жатын моюнчасынын рагына кабылгандан кийин келди. Көп жылдар бою сактануу үчүн гормоналдык дары-дармектерди ичип жүрүп, кийин дартка чалдыктым", — деди адис.

Негизинен ушул сыяктуу аппарат буга чейин жаныбарларга колдонулуп келген, дизайнер аны адамга ылайыктап жасап чыккан. Бирок аны расмий түрдө сатыкка алып чыгуу үчүн клиникалык сыноодон өткөрүү керек.

Баса, идеянын автору бул табылгасы үчүн мыкты инженердик долбоорлорго ыйгарыла турган Жеймс Дайсон атындагы эл аралык сылыкка ээ болду.

36
Белгилер:
Германия, аял, эркек, ден соолук, тукум
Тема боюнча
Окумуштуулар аялдар төрөттөн кийин канча жылга картая турганын айтты
Россиянын президенти Владимир Путин

Путин: коммунисттер менен улутчулдарга бирдей кароо такыр туура эмес

66
(жаңыланган 01:00 22.10.2021)
Россиянын башчысы экинчи дүйнөлүк согушка байланыштуу маселелерди талашууга аргументтери бар экенин айтты.

БИШКЕК, 22-окт. — Sputnik. Коммунисттер менен улутчулдарды бирдей кароо такыр туура эмес. Бул тууралуу Россиянын президенти Владимир Путин Эл аралык “Валдай” дискуссиялык клубунун жыйынында билдирди.

Путин тарыхый эстеликтер тууралуу сөз болгондо экинчи дүйнөлүк согушка байланыштуу маселелерди талашууга аргументтери бар экенин айтты.

“Бизде 1917-жылдан 1990-жылга чейинки өлкөнүн башкаруучуларына көптөгөн дооматыбыз бар. Бул кадыр эсе көрүнүш. Бирок экинчи дүйнөлүк согуштун алдында коммунисттер менен улутчулдарды бир жерге коюп, жоопкерчилигин 50\50 пайыздан бөлүп кароо такыр орунсуз”, — деди Россия лидери.

Путин бул сөздөрдү СССРдин мураскери аталган Россиянын башчысы жана орус жараны болгону үчүн гана айтып жатпаганын белгиледи.

“Мен муну изилдөөчү катары айтып жатам. Архивде жаткан документтерди окуп чыктым”, — деди Россиянын башчысы.

Анын айтымында, анын арасында лагерлер жана репрессия сыяктуу Сталин жөнүндө көп нерсени эстесе болот.

“Бирок мен документтерден анын резолюцияларын көрдүм. Совет өкмөтү экинчи дүйнөлүк согуштун башталышына жол бербөө үчүн күрөшкөн”, — деди Путин.

Ошондой эле ал тарыхты бурмалоо аракети ар дайым болушу мүмкүн экенин, бирок жок дегенде документтерди окуп коюуга чакырды.

66
Белгилер:
Владимир Путин, тарых, улутчул, коммунист
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды
Аял кол чатыр менен. Архив

Күн кайра ачылабы? Дем алышка карата аба ырайы

0
Апта этегинде кээ бир аймактарга жаан жааса, тоолуу жерлерге кар түшүшү ыктымал. Жекшемби күнү жаан-чачын күтүлбөйт.

БИШКЕК, 22-окт. — Sputnik. Кыргызгидромет ушул аптанын дем алыш күндөрүнө карата аба ырайы божомолун жарыялады.

Билдирмеге караганда, апта этеги кээ бир облустарда жаанчыл болуп, абанын температурасы төмөндөшү күтүлүүдө. Бирок айрым аймактарга жаан жаабайт.

Чүй облусу

23-октябрда түнкүсүн айрым райондордо жаан, тоолуу жерлерге кар жаашы күтүлөт. 23-октябрда күндүз жана 24-октябрда күн ачык болору айтылды.

Талас облусу

Таласта дем алышта жаан-чачын күтүлбөйт. Абанын температурасы 8...10 градус болушу ыктымал.

Ош, Жалал-Абад, Баткен облусу

23-октябрда түнкүсүн кээ бир райондорго жаан, кар жааса, тоолуу жерлерге кар түшүшү күтүлүүдө. Ал эми 23-октябрда күндүз жана 24-декабрда жаан жаабай турганы божомолдонду. Бул аймактарда абанын температурасы 15...17 градуска чейин жылыйт.

Нарын облусу

23-октябрда түнкүсүн кээ бир райондордо жаан, тоолуу жерлерге кар жааса, 23-октябрда күндүз жана 24-октябрда күн ачык болору айтылды. Абанын температурасы 3...8 градус болушу ыктымал.

Ысык-Көл облусу

23-октябрда түнкүсүн көпчүлүк аймактарда жаан, кар, тоолуу райондордо кар жаашы, кээ бир райондордо жаан-чачын катуу жаашы мүмкүн. 23-октябрда күндүз айрым райондордо жаан, кар, тоолуу райондордо кар жаашы күтүлөт. Ал эми 24-октябрда жаан жаабайт. Абанын температурасы 5...10 градуска жылышы ыктымал.

0
Белгилер:
дем алыш, аба ырайы, Кыргызгидромет, божомол, жаан
Тема боюнча
Оору күчөдү, мектептер онлайн окутууга өтөбү? Мэриянын жообу
Ноябрь айында аба ырайы кандай болот. Синоптиктердин божомолу