Маркумдун сөөгүн кремацияга даярдоо иштери. Архив

Дүйнө жүзүндө кара тумоо илдетине кабылгандар көбөйүп жатканы айтылды

206
(жаңыланган 18:37 11.10.2021)
Попова азыркы тапта мындай кырдаалдарга чукул чара көрүү өтө маанилүү экенин белгиледи. Адистин айтымында, климаттын өзгөрүшү менен оору очогунун аймагы кеңейүүдө.

БИШКЕК, 11-окт. — Sputnik. Дүйнө жүзүндө кара тумоо илдетине кабылгандардын саны өсө баштады. Бул тууралуу Роспотребнадзордун жетекчиси Анна Попова билдиргенин РИА Новости жазды.

Анын айтымында, илдеттин жайылышына күндүн ысышы дагы себеп болуп жатат.

"Биз дүйнө жүзүндө кара тумоого кабылгандар көбөйө баштаганына күбө болуп жатабыз. Бул нерсе дагы бүгүнкү күндүн коркунучтарынын бири. Күндүн ысышы, климаттын өзгөрүшү оору очогунун аймагын өзгөртүп жатат", — деди Попова.

Ал мындай кырдаалдарга чукул чара көрүү өтө маанилүү экенин кошумчалаган.

206
Белгилер:
Россия, Роспотребнадзор, кара тумоо, илдет
Тема боюнча
Окумуштуулар XXI кылымда дагы бир коркунучтуу пандемия болорун боолголошту
Индиядагы үлпөт тою. Архив

Суу ташкынга карабай тоюна чоң казанга отуруп келген түгөйлөр. Индиядагы видео

15
(жаңыланган 09:58 22.10.2021)
Болочок жубайлар журналисттерге баш кошуу үчүн атайын эмгек өргүү алгандыктан салтанатты кийинкиге жылдыргысы келбегенин айтып берген.

БИШКЕК, 22-окт. — Sputnik. Индиянын Керала штатында сүйүшкөндөр суу ташкынына карабастан баш кошушту. Бул тууралуу Russia Today телеканалы жазды.

Жуптардын үлпөтү боло турчу жайга чейинки жолдорду суу каптагандыктан, экөө тамак бышырган чоң казанга отуруп алып барган.

​Социалдык тармакка тараган видеолордон жаштарга суудан сүзүп өтүүгө салтанаттын коноктору жардам бергенин көрүүгө болот.

Жергиликтүү ЖМКлар болочок жубайлар Алаппужа шаарында медицина кызматкери болуп иштей турганын билишкен. Алар журналисттерге баш кошуу үчүн атайын эмгек өргүү алгандыктан салтанатты кийинкиге жылдыргысы келбегенин айтып берген. Күйөө бала башка транспорт таппай койгонун жана айрым жерлерин суу каптап кеткенине карабастан иш-чараны өткөрүүгө макул болгон чиркөөнүн администрациясына ыраазычылык билдирген.

"Бул биз кыялданбаган үлпөт тойго айланып кетти", — деген колукту.

Өткөн дем алыш күндөрү нөшөрлөгөн жамгыр Керала штатында сел менен жер көчкүгө айланып, кеминде 22 адам каза болгон. Куткаруу иштерин армия жана флот жүргүздү.

15
Белгилер:
Индия, суу каптоо, үлпөт, видео, казан
Тема боюнча
Жадыбалды билбей калган жигитке турмушка чыкпай койду. Индиялык кыздын окуясы
Түгөйлөр. Архивдик сүрөт

Германияда бойго бүтүүдөн коргоочу инновациялык аппарат ойлоп табышты

50
Аппаратты эркектин жыныстык органына жакын алып келип, бир аз убакытка иштетип кармап туруу керек. Андан чыккан ультраүндүү толкундар бел суунун активдүүлүгүн эки айга чейин токтотуп коёт.

БИШКЕК, 22-окт. – Sputnik. Германиялык дизайнер Ребекка Вайс адистер менен биргеликте эркектин уругунун активдүүлүгүн басаңдатып, бойго бүтүүдөн сактай турган аппарат ойлоп тапты. Бул тууралуу National Geographic Россия басылмасы жазды.

Жаңы аппарат эркектин уругунун активдүүлүгүн ультраүндүү толкундар менен басаңдатып коёт.

"Аппаратты эркектин жыныстык органына жакын алып келип, бир аз убакытка иштетип кармап туруу керек. Бул процедураны эки апта бою кайталоо зарыл. Андан чыккан ультраүндүү толкундар бел суунун активдүүлүгүн эки айга чейин токтотуп коёт. Тагыраак айтканда, урук энелик бездер менен биригип жаңы жашоо жарата албай калат. Бирок анын ден соолукка зыяны жок", — деди Вайс.

Аппаратты иштеп чыккандар алардын табылгасы үй-бүлөнү пландоодо көптөр күткөн жакшы жардамчы болот деп эсептейт.

"Азыркы бойго бүтүп калуудан коргоочу каражаттар бардык эле түгөйлөргө жага бербейт. Ден соолукка дагы залакасын тийгизиши мүмкүн. Мисалы, мага бул идея өзүм жатын моюнчасынын рагына кабылгандан кийин келди. Көп жылдар бою сактануу үчүн гормоналдык дары-дармектерди ичип жүрүп, кийин дартка чалдыктым", — деди адис.

Негизинен ушул сыяктуу аппарат буга чейин жаныбарларга колдонулуп келген, дизайнер аны адамга ылайыктап жасап чыккан. Бирок аны расмий түрдө сатыкка алып чыгуу үчүн клиникалык сыноодон өткөрүү керек.

Баса, идеянын автору бул табылгасы үчүн мыкты инженердик долбоорлорго ыйгарыла турган Жеймс Дайсон атындагы эл аралык сылыкка ээ болду.

50
Белгилер:
Германия, аял, эркек, ден соолук, тукум
Тема боюнча
Окумуштуулар аялдар төрөттөн кийин канча жылга картая турганын айтты
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов

Кожогулов: 450 техника дыйкандарга жеңилдетилген шартта берилет

0
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов фермерлер үчүн айыл чарба көргөзмөсү өтөрүн маалымдады.

Бишкек шаарынын эски аянтында 22-24-октябрь күндөрү фермерлер үчүн "АгроТехЭкспо 2021" көргөзмөсү жана "Алтын күз" айыл чарба жарманкеси өтөт. Бул тууралуу Нурлан Кожогулов Sputnik Кыргызстан радиосунда маек куруп жатып билдирди.

Кожогулов: 450 техника дыйкандарга жеңилдетилген шартта берилет

Анын айтымында, аталган көргөзмө республикада сегизинчи жолу өткөрүлүүдө.

"Көргөзмөгө жалпы 200дөн ашык чет элдик жана жергиликтүү компания, ишкерлердин катышуусу күтүлүүдө. Анда дыйкандарга заманбап техникалар, технологиялар, асыл тукум малдын жаңы породалары, жер семирткичтер, вакциналар жана банк кызматтары сунушталат. Мындан тышкары, окутуулар, айыл чарба тармагындагы кызмат көрсөтүүлөр болот. Бул жылы көргөзмөгө асыл тукум малдын породалары боюнча кошумча бөлүм кошулат. Ошондой эле органикалык айыл чарба продукцияларынын жарманкеси өтөт. Аны өндүрүү боюнча мастер-класстар уюштурулат. Мындай көргөзмөлөр жакшы натыйжа берет. Анткени дыйкандар оруп-жыюу иштери жыйынтыкталган соң көргөзмөгө катышып тетиктер, техника боюнча маалымат алып тапшырык беришет. Быйыл лизинг берүү боюнча эки жаңы долбоор киргиздик. Февралда 540 миллион сом, октябрдын башында 446 миллион сом бөлүндү. Жылдын этегине чейин лизингге айыл чарба техникаларын берүүнү 900 миллиондон 1 миллиард сомго жеткирүүнү мерчемдеп жатабыз. Жалпы 450 техника дыйкандарга жеңилдетилген шартта берилет", — деди Кожогулов.

Ошондой эле ал республика боюнча 10 миңден ашык дыйкандын жана 5-6 миң Бишкек шаарынын тургундарынын катышуусу күтүлүп жатканын кошумчалады.

Подкастты толугу менен видеодон көрө аласыз:

0
Белгилер:
Нурлан Кожогулов, дыйкан, техника, шарт
Тема боюнча
Фермерлер Чоң Чүй каналынын суусунан канткенде көз каранды болбойт. Шарты