Жумушчу Гаитидеги базарда жүктөлгөн арабаны түртүп жатат

COVID каары: 100 млн. адам жакырланып, 4 млрд. киши жардамсыз калды

80
(жаңыланган 11:48 12.10.2021)
Гутерриш дүйнөлүк экономиканы туруктуу кылып калыбына келтириш үчүн батыл жасалган жамааттык секирик керектигин айтты.

БИШКЕК, 12-окт. — Sputnik. Коронавирус пандемиясы 100 миллиондон ашуун адамды жакырлыктын сазына батырып, 4 миллиардга чукул кишини социалдык колдоодон ажыраткандыгын БУУнун башкы катчысы Антониу Гутерриш билдирди. Бул туурасындагы РИА Новости жазды.

Ал Эл аралык валюта фондунун мамлекеттерди пандемиядан кийин кайра калыбына келтирүүгө арналган иш-чарасында сүйлөгөн.

"4 миллиарддан ашык адамдын дээрлик социалдык колдоосу жок... Саламаттык сактоо тармагын, кирешелерди колдоо жок. Вакциналардын баарына бирдей бөлүштүрүлбөгөндүгү дүйнөнү миллиондогон жаңы өлүмдөргө кептеп, триллион долларларды чапчыган экономикалык төмөндөө уланып, жакыр өлкөлөр үчүн катуу сокку урулууда", — деген Гутерриш.

Башкы катчы "пандемияга чекит коюп, дүйнөлүк экономиканы жалпылап калыбына келтирип жана туруктуулук менен камсыздаш үчүн адамзатка жамааттык, батыл, чечкиндүү секирик" керектигин белгиледи.

Анын айтымында, болжолдоолор аалам дүйнөлүк экономиканы чындап эле калыбына келтирүүнүн ортосунда тургандыгын — "ИДПнын бештен алты пайызга чейин өскөнүн" көрсөтүп жатат.

"Бирок сандардын артында көп нерсе бар. Өнүгүп келе жаткан көп өлкөлөр менен аймактар бир топ эле артта калды. Экономикасы күчтүү мамлекеттер өзүнүн ИДПсынын 28 пайызын экономиканы калыбына келтирүүгө жумшап жатат. Анча өнүкпөгөн өлкөлөр үчүн бул көрсөткүч 1,8 пайызды түзөт", — деген башкы катчы.

Ал инвестициялардын көлөмүн көбөйтүп, акчаны кризистин кесепетин жоюуга жана калыбына келтирүү иштерине көп мезгилге чейин жумшап турууга чакырык жасады.

"Бирок көп мамлекеттер карыздарынан кутулуу менен эле алектенип, аталган маселе алардын баш оорусу болуп калды. Көбүрөөк муктаж болгон өлкөлөргө накталай берүүнү көбөйтүү боюнча чакырыгымды кайталайт элем. Пайдаланылбай келген карыз берүү укуктарын биринчи иретте адилеттүүлүк менен бөлүштүрүп, аны муктаж болгон аялуу мамлекеттерге бериш керек. G20 демилге кылган карыздарды төлөөнү токтото туруу келерки жылга чейин узартылып жана ал кирешеси орточо деңгээлдегилер арасында жайылышы зарыл", — деген Гутерриш.

БУУнун башкы катчысы каатчылык жана туруксуздук катуу каптаган өлкөлөрдүн өкмөттөрүн социалдык жана экономикалык саясатын жолго коюуга чакырды. Бул 2030-жылдагы жалпы социалдык коргоого жетишүү үчүн бир топ инвестиция салууну талап кыларын белгилеген.

80
Белгилер:
БУУ, Эл аралык валюта фондусу, Антониу Гутерриш, пандемия, каатчылык, чакырык, жакырчылык
Тема:
Дүйнөгө жайылган коронавирус (1561)
Тема боюнча
Пандемиянын Кыргызстандагы ишканаларга тийгизген таасири. Статистика
Миңдеген киши жумушсуз калат! Түндө жабылчу ишкана ээлеринин нааразычылыгы
Дүкөндөгү бош текчелер. Архив

Путин: азык-түлүккө болгон кризис дүйнөдө мындан ары да курчушу мүмкүн

2
(жаңыланган 22:28 21.10.2021)
Россиянын лидери Валдай форумунда суу жана электр энергиясына болгон тартыштыкты да эске алуу керектин белгиледи.

БИШКЕК, 21-окт. — Sputnik. Азык-түлүккө болгон кризис мындан ары дагы өрчүшүнө бардык негиздер бар. Бул туурасында Россиянын президенти Владимир Путин Валдай форумунда билдирди.

Анын айтмында, бир нече мамлекеттерде, жада калса региондордо мезгил-мезгили менен азык-түлүк кризиси жаралууда.

"Балким бул боюнча дагы сүйлөшөрбүз. Бирок бул кризис жакынкы күндөрү дүйнө боюнча өрчүшүнө бардык негиз бар. Эң жогорку формасына жетиши мүмкүн", — деди Путин.

Ошондой эле ал суу жана электр энергиясынын тартыштыгын да эске алуу керектин айтты.

2
Белгилер:
Владимир Путин, кризис, Валдай форуму
Тема боюнча
Быйыл түшүм аз. Кыргызстанда азык-түлүк кымбаттайбы?
Кыргызстанда жашоо минимуму 22 пайызга жогорулады. Статистика
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

26
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

26
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн