Вашингтондогу Капитолий имаратынын алдында АКШнын желектери. Архив

"Жоопкерчилиги жоктор". Саясат таануучунун АКШнын Россия боюнча санкцияларына пикири

47
(жаңыланган 17:51 13.10.2021)
Тарусин сенаторлор ар кыл чакырыктарды жасап, бирок жыйынтыгында алар АКШнын мамлекеттик тышкы саясатынын жыйынтыгы үчүн эч кандай жоопкерчилик албастыгын белгилеген.

БИШКЕК, 13-окт. — Sputnik. Россиянын АКШдагы элчиси Анатолий Антонов америкалык мыйзамчылардын Россия менен аталган мамлекеттин мамилесин уратууга кылган аракеттери туурасында билдирди. Sputnik радиосунун обосунда саясат таануучу Павел Тарусин өзүнүн пикирин төмөнкүчө билдирди.

Дипломат Антонов америкалык сенаторлордун россиялык дагы 35 жаранга санкция салуу боюнча жаңы сунушуна комментарий берген.

Элчинин айтымына караганда, Кошмо Штаттардын Россия-Америка алакасын бузууга болгон-бүткөн аракетин жасап жатканы суроо жаратканын, таңгалдырганын айтып берген.

"Россиянын дагы 35 жаранына ойдон чыгарылган шылтоо менен чектөө киргизүү мунун көзгө дароо урунган далили", – деп айткан Антонов Facebook тармагы менен берген комментарийинде.

Дипломаттын пикиринде, мындай кадамдары менен Капитолияда "Американын душмандары менен күрөшүү" деген иллюзияны түзүүнү көздөп алышкан. Өлкөсүндөгү башка, чечүүнү талап кылган маселелери менен алпурушуунун ордуна ушундай нерселерди өздөрү ойлоп таап алышууда.

Sputnik радиосунун обосунда саясат таануучу, Москва мамлекеттик университетинин мамлекеттик башкаруу факультетинин окутуучусу Павел Тарусин америкалык сенаторлордун жогоркудай кадамын жоопкерчиликтин жоктугу деп атады.

"Туура эмес чакырыктар. Муну таптакыр эле жоопкерчилиги жок адамдар жасап жатат. Алар мамлекеттин тышкы саясатынын жыйынтыгы үчүн эч кандай жоопкерчилик албайт жана оозуна келгенди айта беришет", – деген ал.

Аны менен катар эле саясат таануучу АКШнын тышкы саясатын конгресс эмес, президент аныктай тургандыгын айтты.

"Ал эми америкалык конгрессмендердин, сенаторлордун мындай билдирүүлөрү кайсы бир фонду, АКШ президенти Жозеф Байдендин америкалык-россиялык мамилелердеги кадам жасоо мүмкүнчүлүгүн аныктайт. Бул сунуштар шарттуу мүнөздөгү нерселер. Биз бирок Вашингтондун акылга сыярлык кадамдары баары бир тараза ташын басып турарын көрүп жатабыз. Нуланд келди (АКШнын мамлекеттик катчысынын жардамчысы – ред.), сүйлөшүүлөр жүрүп жатат. Ооба, оор болууда. Бирок сүйлөшүү уланат. Бул Россиянын, аны менен катар АКШнын да кызыкчылыгы үчүн жасалып жаткандыктан кандайдыр бир кепке келүү болот", – деп белгилеген Павел Тарусин.

Саясат таануучу болбосо бири-бирин түшүнбөй, дүйнөлүк маселелерди жалгыздап чечүү өтө оор экенин белгилеген.

47
Белгилер:
Россия, АКШ, санкциялар, сенат
Тема боюнча
Адис АКШнын Россияга каршы санкциялары өзүнө кандай түйшүк жаратарын айтты
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

323
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

323
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу
Москвадагы талибдердин делегациясы

Москва талибдерден афган элине либералдуу мамиле күтөрүн айтты

94
(жаңыланган 19:12 25.10.2021)
Кабуловдун айтымында, аймактык өлкөлөр өкмөттү түзүүдө талибдерден "чечкиндүүрөөк жана батыл кадамдарды" күтүп жатат.

БИШКЕК, 26-окт. — Sputnik. Талибдерде ("Талибан"*) инклюзивдик өкмөттү түзүү боюнча кандайдыр бир мөөнөт боюнча алкак, чектөө жок. Бул тууралуу РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.

"Жок, эч кандай мөөнөт коюлган эмес. Бул "Москва форматынын" милдети да эмес болчу. Биз талибдерге алардын мындан аркы иши жана анын графигин тагуу үчүн чогулган жокпуз, андай эмес", — деген Кабулов "Россия сегодня" эл аралык маалымат агенттигинде журналисттерге брифинг өткөрүп жатып.

Диломаттын айтымында, аймактык өлкөлөр өкмөттү түзүүдө талибдер "чечкиндүү жана батыл кадамдарды" жасайт деген пикирде.

Кабулов, андан сырткары, Москва талибдерден элге карата либералдуу мамиле кылууну күтө тургандыгын айтты.

"...Жаңы бийликтен биз көбүрөөк либерализмдин жаралышын, ооба, өзүнүн маданий-диний салттарына таянышын, бирок либерализмдин көбүрөөк болушун күтүп жатабыз", — деди Кабулов.

Буга чейин да аталган темада кеп кылган Кабулов Москвадан талибдерге дүйнөлүк коомчулуктун пикирине кулак төшөп, ири алдыда элдин үнүн угуу боюнча айткандарын билдирген.

* — Кыргызстан, Россия жана башка бир катар өлкөлөрдө тыюу салынган уюм

94
Белгилер:
Афганистан, Россия, ТИМ, санкциялар, 'Талибан' кыймылы, Замир Кабулов
Тема:
Афган бийлиги менен талибдердин тиреши
Тема боюнча
Бишкекте КМШнын коопсуздук кызматынын өкүлдөрү жолукту. Эмне талкууланды
Москвага талибдердин делегациясы келди