Россия президенти Владимир Путин. Архив

Путин өлкө кызыкчылыгы үчүн КМШнын атайын кызматтарын пайдаланууга чакырды

124
Россия лидери КМШнын күч түзүмдөрүнүн ар дайым маалымат алмашып, биргелешкен операцияларды өткөрүүсү маанилүү экендигин айткан.

БИШКЕК, 13-окт. — Sputnik. Россия президенти Владимир Путин КМШ өлкөлөрүнүн коопсуздук органдары менен чалгын кызматтарынын жетекчилеринин кеңешмесинде мамлекетти ишенимдүү коргоо үчүн алардын мүмкүнчүлүгүн колдонуу маанилүү экендигин айтты. Бул туурасында РИА Новости жазды.

Путин кеңешменин катышуучулары талкуулай турган маселелердин тизмеси кеңири болорун, алар КМШ өлкөлөрүнүн улуттук кызыкчылыгын, эгемендүүлүгүн жана коопсуздугун камсыздоого байланыштуу экендигин белгилеген.

Мындан сырткары, тараптар тажрыйба жана жаңычылдыктар менен бөлүшүп, дүйнөдөгү, Евразия чөлкөмүндөгү азыркы абалды талкуулап, алдыдагы кырдаалга божомолун жасашат.

"Силер жетектеген кызматтар менен ведомстволордо ыкчам, аналитикалык, техникалык, кадрдык олуттуу мүмкүнчүлүктөр бар. Бүгүн өлкөбүздү, шериктеш мамлекеттерди тышкы жана ички кооптуулуктан ишенимдүү коргош үчүн бул эбегейсиз кубаттуу мүмкүнчүлүктү болушунча колдонуу керек. Биринчи кезекте эл аралык террорчулук, экстремизм, улут аралык кылмыш топтору, куралды мыйзамсыз сатуу, киберкылмыштуулук, баңгизат бизнеси, контрабанда жана мыйзамсыз миграция менен күрөшүү зарылдыгы турат. Бул милдеттерди ишке ашырууда бардык багыттар боюнча координацияланган, системага салынган иш болушу керек. Ар дайым маалымат алмашып туруу жана биргелешкен операцияларды өткөрүү маанилүү", — деп белгилеген президент.

Россия лидери кеңешмедеги кабыл алынган чечимдер тынчтык жана туруктуулук үчүн кызмат кылып, мындан сырткары, КМШ мамлекеттеринин андан аркы өнүгүшүндө өзүнүн оң таасирин тийгизет деген ишенимин билдирген.

124
Белгилер:
Россия, Владимир Путин, террорчулук, экстремизм
Тема боюнча
Путин ШКУнун террорчулукка каршы түзүмүн күчтөндүрүүнү сунуштады
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

379
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

379
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу
Москвадагы талибдердин делегациясы

Москва талибдерден афган элине либералдуу мамиле күтөрүн айтты

94
(жаңыланган 19:12 25.10.2021)
Кабуловдун айтымында, аймактык өлкөлөр өкмөттү түзүүдө талибдерден "чечкиндүүрөөк жана батыл кадамдарды" күтүп жатат.

БИШКЕК, 26-окт. — Sputnik. Талибдерде ("Талибан"*) инклюзивдик өкмөттү түзүү боюнча кандайдыр бир мөөнөт боюнча алкак, чектөө жок. Бул тууралуу РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.

"Жок, эч кандай мөөнөт коюлган эмес. Бул "Москва форматынын" милдети да эмес болчу. Биз талибдерге алардын мындан аркы иши жана анын графигин тагуу үчүн чогулган жокпуз, андай эмес", — деген Кабулов "Россия сегодня" эл аралык маалымат агенттигинде журналисттерге брифинг өткөрүп жатып.

Диломаттын айтымында, аймактык өлкөлөр өкмөттү түзүүдө талибдер "чечкиндүү жана батыл кадамдарды" жасайт деген пикирде.

Кабулов, андан сырткары, Москва талибдерден элге карата либералдуу мамиле кылууну күтө тургандыгын айтты.

"...Жаңы бийликтен биз көбүрөөк либерализмдин жаралышын, ооба, өзүнүн маданий-диний салттарына таянышын, бирок либерализмдин көбүрөөк болушун күтүп жатабыз", — деди Кабулов.

Буга чейин да аталган темада кеп кылган Кабулов Москвадан талибдерге дүйнөлүк коомчулуктун пикирине кулак төшөп, ири алдыда элдин үнүн угуу боюнча айткандарын билдирген.

* — Кыргызстан, Россия жана башка бир катар өлкөлөрдө тыюу салынган уюм

94
Белгилер:
Афганистан, Россия, ТИМ, санкциялар, 'Талибан' кыймылы, Замир Кабулов
Тема:
Афган бийлиги менен талибдердин тиреши
Тема боюнча
Бишкекте КМШнын коопсуздук кызматынын өкүлдөрү жолукту. Эмне талкууланды
Москвага талибдердин делегациясы келди