Афган балдары Кабулдун жакыр районунда ойноп жатышат. Архив

Балдар көчөдө өлүп жатат. Кышында Афганистанда ачарчылык болору божомолдонууда

241
Бириккен Улуттар Уюму Афганистанда азыртадан эле 22,8 миллион киши тамак-ашка жетпей жатканын айтууда.

БИШКЕК, 26-окт. — Sputnik. Чукул аракеттер көрүлбөсө, келе жаткан кышта миллиондогон афган эли ачарчылыкка кептелет. Бул тууралуу БУУнун Дүйнөлүк азык-түлүк коопсуздугу боюнча программасынын божомолуна таянып ВВС жазды.

"Ушул тапта Афганистан ири гуманитардык кризиске учурады. БУУнун эсеби боюнча азыртадан эле 22,8 миллион киши тамак-ашка жетпей, беш жашка чейинки курактагы 3,2 миллион бала ачка калууда", — деди аталган программанын директору Дэвид Бизли.

Ал эми ВВС жергиликтүү ЖМКларга таянып, Афганистанда эмитен эле балдар ачкачылыктан каза болуп жатканын жазды. Тагыраагы, "Хашт-е-Собх" гезити ата-энесиз калган үчтөн 11 жашка чейинки сегиз бала Кабулдагы райондордун биринде көчөдө көз жумганын кабарлаган.

Эске салсак, август айында америкалыктар аскерлерин өлкөдөн чыгарууну айткандан кийин "Талибан"* кыймылы активдешип, кийин өлкөнү каратып алган. Бул нерсе Афганистанда гуманитардык, экономикалык жана саясий кризисти жаратты.

* — Кыргызстан, Россия жана башка бир катар өлкөлөрдө тыюу салынган уюм

241
Белгилер:
Афганистан, ачкачылык, кыш, бала, эл, согуш, өлүм
Тема:
Афган бийлиги менен талибдердин тиреши (283)
Тема боюнча
Москва талибдерден афган элине либералдуу мамиле күтөрүн айтты
Талибан* жардам алууну кааласа көмөк көрсөтүшү керек. Россиянын позициясы
COVID-19га каршы вакцина менен иштеген лаборант. Архив

Вирусолог: "омикрон" COVID-19га каршы тирүүлөй вакцина болуп берет

49
(жаңыланган 10:30 07.12.2021)
Адис "омикрон" башка штаммдарды сүрүп чыгара алар-албасы азырынча белгисиз экенин айтып, ошол эле учурда адам баласы локдаундар тууралуу унутса болорун кошумчалады.

БИШКЕК, 7-дек. — Sputnik. "Омикрон" штаммы коронавируска каршы тирүүлөй вакцина болуп бериши мүмкүн. Мындай пикирин Россиянын илимдер академиясынын мүчө-корреспонденти, вирусолог, профессор Петр Чумаков маегинде айтканын URA.RU жазды.

"Жаратылыш коронавируска каршы тирүүлөй вакцина берди деген оптимисттик прогноздор болуп жатат. Тагыраак айтканда, бул штаммды жуктуруп, сакайган кишилер COVID-19дун башка штаммдарына туруштук берет", — деди адис.

Ошондой эле Чумаков "омикрон" башка штаммдарды сүрүп чыгара алар-албасы азырынча белгисиз экенин айтып, ошол эле учурда адам баласы локдаундар тууралуу унутса болорун кошумчалады.

Буга чейин ДССУ Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталганын, анда патоген клеткаларды жугузуучу S-белоктун 32 мутациясы бар экенин билдирген. Окумуштуулардын айтымында, SARS-CoV-2 геномундагы жаңы өзгөрүүлөрдүн көбү бул варианттын башкаларга жугуу жөндөмдүүлүгүн жана оорулуулардын, эмдөөдөн өткөндөрдүн коргоочу антителолоруна туруктуулугун көрсөтүп турат. Ошол эле учурда россиялык окумуштуулар бул штамм башкаларынан алсыз экенин айтып, пандемияны жыйынтыктоочу варианты болуп каларын дагы божомолдоп жатат.

49
Белгилер:
'омикрон' штаммы, коронавирус, жаңы штамм, вакцина
Тема:
Дүйнөгө жайылган коронавирус
Тема боюнча
"Омикрон" штаммы өлүмгө кептебейби? ДССУ маалымат берди
Коронавирус 63 кишиден табылып, эки бейтап каза тапты. Жаңы статистика
Лондондо сейилдеп жаткан беткапчан адамдар

COVID пандемиясы дагы беш жылга созулат. Британиялык окумуштуулардын божомолу

29
(жаңыланган 09:57 07.12.2021)
Адис вакцинация менен инфекциянын жайылышына каршы чаралар натыйжалуу болбосо, оору мындан да узак убакытка созулат.

БИШКЕК, 7-дек. — Sputnik. Коронавирус инфекциясы кеминде 2026-жылга чейин коркунуч жаратат. Мындай жыйынтыкка Улуу Британиянын өзгөчө кырдаалдар боюнча илимий-кеңеш тобунун адистери келди. Алардын билдирүүсү уюмдун сайтына жүктөлдү.

"SARS-CoV-2 саламаттык сактоо системасына мурдагыдай эле коркунуч жаратып, эмдөө менен вирус тууралуу маалыматтарга беш жыл ичинде тыкыр көз салууну талап кылат", — деп жазылган документте.

Окумуштуулардын пикиринде, вакцинация менен инфекциянын жайылышына каршы чаралар натыйжалуу болбосо, оору андан да көп убакытка созулат.

Адистер беш-он жылда жамааттык иммунитетти калыбында кармап турууга аракет кылуу керектигин айткан.

Илимий кызматкерлер Улуу Британияда Европанын башка мамлекеттерине салыштырмалуу COVID-19 оорусу вакцинанын жардамы аркылуу басаңдаганын белгилеген.

29
Белгилер:
коронавирус, пандемия, окумуштуулар, вакцина
Тема:
Дүйнөгө жайылган коронавирус
Тема боюнча
Коронавирус 63 кишиден табылып, эки бейтап каза тапты. Жаңы статистика
COVID-19: Казакстан толугу менен "кызыл" зонадан чыкты
Депутат Асылбек Жээнбеков. Архив

Абакта отурган Жээнбеков менен Зулпукаровдун кандай байлыгы бар

0
(жаңыланган 11:21 07.12.2021)
Жээнбековдун турак жайынын аянты 1,5 миң чарчы метр, ал эми Зулпукаров 5 миллион сомдук автоунаага ээлик кылат.

БИШКЕК, 7-дек. — Sputnik. Мамлекеттик салык кызматы Жогорку Кеңештин депутаттарынын киреше-чыгашасы тууралуу тапшырган былтыркы декларациясын жарыялады. Анын ичинде Асылбек Жээнбеков менен Төрөбай Зулпукаров дагы бар.

Аталган эл өкүлдөрү үстүбүздөгү жылдын июнь айында "Кумтөр" долбоорун ишке ашырууда коррупцияга барган деген шек менен кармалып, учурда УКМКнын тергөө абагында.

Асылбек Жээнбеков

Экс-президенттин бир тууган иниси жана ЖКнын мурдагы төрагасы өткөн жылы 2 миллион 119,7 миң сом иштеп тапкан.

Ал төмөнкүдөй мал-мүлккө ээлик кылат:

  • Аянты 1,5 миң чарчы метрлик турак жай;
  • Аянты 3,5 чарчы метрди түзгөн толук бүтө элек курулуш объектиси;
  • Аянты 9,7 миң чарчы метрлик жогоруда белгиленгенден башка конструкция;
  • Ишенимдүү башкарууга өткөрүп берилген төрт чарба субъектиси: "Алтын-Көл" акционердик коому, Айдарова Г.К. жеке ишкердиги, "Бий-Мырза" деп аталган эки ЖЧК;
  • Жылкылары 1,25 миллион сомго бааланат;
  • Бодо малы — 1,1 миллион сом;
  • Майда жандыктары (кой, эчки) — 750 миң сом;
  • Акциясы — 210 миң сом;
  • Эмерек — 410 миң сом;
  • Тиричилик техникасы — 135 миң сом;
  • Сүрөт, аудио жана видеотехника — 170 миң сом;
  • Жогоруда белгиленгенден башка кыймылдуу мүлкү — 295 миң сом.

Асылбек Жээнбековдун жакын туугандары 2020-жылы 550 миң сом иштеп тапкан. Турак жай, айыл чарба багытындагы эмес жер тилке, башка конструкциялары бар экени жазылган, бирок аянты "0" деп турат. Ошондой эле аларга таандык Toyota Land Cruiser унаасы, 480 миң сомдук баалуу металлдар, 180 миң сомдук эмерек, 110 миң сомдук фото, аудио-видеотехника жана башка кыймылдуу мүлкү 120 миң сомго бааланган.

Төрөбай Зулпукаров

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Депутат Торобай Зулпукаров

Жогорку Кеңештин V чакырылышынын вице-спикери, учурдагы депутат былтыр 1,5 миллион сомдон ашыгыраак киреше чогулткан. Анын турак жайынын аянты 489,6 чарчы метрди түзөт. Үй алдындагы бакчасы жарым гектар, автоунаасы 5 миллион сом. Ал эми жакын туугандарынын автоунаасы 3,1 миллион сомго бааланат.

Кумтөр алтын кенин ишке киргизүүдө коррупцияга барган деген айып тагылып, бир нече учурдагы жана мурдагы чиновник, депутаттар кармалган. Кээ бирлери тергөө менен кызматташууга макул болгону үчүн сот тарабынан жүз миңдеген айып пул салынып абактан бошотулган. Ал эми экс-премьер-министрлер Жоомарт Оторбаев жана Темир Сариевдин баш коргоо чарасы сыртка чыкпоо шарты менен өзгөртүлдү. Жакында эле Жээнбеков менен Зулпукаровдун жана башка саясатчылардын абактагы мөөнөтү 30-январга чейин узартылды.

0
Белгилер:
Төрөбай Зулпукаров, Асылбек Жээнбеков, декларация, байлык, мүлк
Тема боюнча
Мал кармайт, үйү да, автоунаасы да жок. Талант Мамытовдун декларациясы
Жер тилкеси 20дан ашып... Жээнбеков президент болгондон кийин канчалык байыган
Акылбек Жапаров үй-бүлөсү менен батирде жашап, 7 унаа айдайт. Декларация