Завод кызматкери иш учурунда. Архив

Кытайда энергетика кризиси жаралды! Товарлар азайып, баалардын өсүшү күтүлүүдө

238
Кытайдагы 20 провинцияда көмүрдүн жетишсиздигинен улам электр энергиясынын таңкыстыгы жаралды. Дагы 16 провинцияда электр кубатын колдонууга чектөө киргизилди.

БИШКЕК, 10-ноя. — Sputnik. Кытайда электр энергия кризиси көптөгөн завод-фабрикалардын ишин үзгүлтүккө учуратып жатат. Мындан улам Кытайдан товар келбей, баалар өсүп кетиши мүмкүн. Бул тууралуу The Times гезити жазды.

Басылманын маалыматына караганда, Кытайдагы 20 провинцияда көмүрдүн жетишсиздигинен улам электр энергиясынын таңкыстыгы жаралды. Дагы 16 провинцияда электр кубатын колдонууга чектөө киргизилди. Буга байланыштуу 150 миң компания эки жумалык иш тартибине өтсө, кээ бирлери токтоп калды. Ишканалардын көпчүлүк ээлеринин пикиринде, мындай чектөөлөр бир нече айга созулушу мүмкүн.

Өлкө бийлиги биринчи кезекте жумушу маанилүү деген ишканаларды жана кыш мезгилине байланыштуу турак жайларды электр энергиясы менен камсыздап жатат.

Гонконгдогу Robert Walters рекрутинг компаниясынын адиси Жон Мьюлэлинин басылмага билдиргенине караганда, учурда товар өндүрүүгө мурдагыга салыштырмалуу эки эсе көп убакыт кетип жатат.

"Электр энергиясынын жетпей жатканынын кесепетин Кытайдын түндүк тарабынан байкаса болот. Анда болот сыяктуу сырьёлор менен материалдарды чыгарган заводдор кыйынчылыкка кептелди. Мунун айынан аталган материалдарга муктаж болгон башка ишканалардын даяр товар өндүрүүсүнө тоскоолдуктар жаралып жатат", — деди ал.

ING серепчисинин айтымында, 2022-жылы товарларды жеткирүү үзгүлтүккө учурай турганына байланыштуу популярдуу товарлардын көбү кымбаттайт.

Пекинден оюнчук сатып алган The Entertainer компаниясынын жетекчиси Гэри Гранттын айтымында, мурдагы тартип боюнча алганда азыр өндүрүлө баштаган товар февраль айында сатыкка чыгып калса, эми каатчылыктан соң дагы 60-90 күнгө узарып, жай мезгилинде популярдуу товарлардын тартыштыгы жаралышы толук мүмкүн.

238
Белгилер:
Кытай, товар, дефицит, электр энергиясы
Тема боюнча
Медведев: дүйнөлүк азык-түлүк каатчылыгы келди
Жапаров өлкө энергетика кризисинен качан чыгарын айтып, себебин түшүндүрдү

Антарктидада Күн тутулуп, айлананы караңгылык каптаган видео

88
(жаңыланган 13:27 06.12.2021)
Түштүк уюлдун бардык аймагы Күн тутулганда эки мүнөт караңгылыкта калды. Астрономиялык сейрек көрүнүштү "Юнион Глейшер" илимий станциясы Эллсворттон видеого тартып алган.

Күн тутулган процессти толугу менен Антарктидадан гана көрүүгө болот. Ай континенттин үстүнөн жергиликтүү убакыт боюнча Күнгө саат 04:00дө кирип, толугу менен аны 04:33тө жаап калган.

Эске салсак, кыргызстандыктар өзгөчө астрономиялык кубулушка күбө болуп, Күндүн тутулушун көрүү мүмкүнчүлүгүнө 2020-жылы жай айында күбө болгон.

88
Белгилер:
Антарктида, күндүн тутулушу, видео
Тема боюнча
NASA 2017-жылдын эң популярдуу ирмемдерин жарыялады
Спирттик ичимдик кармаган киши. Архивдик сүрөт

Кайсы өлкөнүн эли спирт ичимдигине өтө эле жакын? Изилдөө

289
(жаңыланган 13:47 06.12.2021)
Бардык мамлекеттерде тең эркектерге караганда аялдар ичкенден кийин бармак тиштеп калары айтылды.

БИШКЕК, 6-дек. — Sputnik. Австралиялыктар дүйнөдө спирт ичимдигин эң көп ичкен улутка кирет. Бул тууралуу ичимдик жана баңгизат боюнча глобалдык изилдөөнүн жыйынтыгына таянып, РИА Новости жазды.

Докладда айтылгандай, Австралия тургундары башка мамлекеттердин жарандарына салыштырмалуу ичимдикке жакын келет. Алардын катарында Дания менен Финляндия эли да бар. Изилдөөгө алынган мамлекеттердин баарында аялдарга караганда эркектер көп мас болору айтылган.

"Австралиялыктар жумасына эки ирет ичет. Бул жылына 106 күн болуп эсептелет. Мындай көрсөткүч боюнча Франция алдыда. Аларда жылына 132 жолу ичимдик ичилсе, экинчи жана үчүнчү орунда Жаңы Зеландия жана Нидерланддар турат", — деп жазылат маалыматта.

Мас болуп соолуккандан кийин көп учурда ирландиялыктар, поляктар жана жаңы зеландиялыктар өкүнүп калары айтылды. Ошондой эле бардык мамлекеттерде тең эркектерге караганда аялдар ичкен соң бармак тиштеп калары маалым болду.

289
Белгилер:
ичимдик, изилдөө, Европа, аял, эркек, салыштыруу
Тема боюнча
Айдаралиев: алты жылда спирт ичимдиктерин өндүрүү алты эсе кыскарган
1-июлдан тарта спирт ичимдиги менен чылым милдеттүү түрдө маркаланат
Милиция кызматкерин фуражкасы. Архив

Бишкектин Октябрь райондук милиция кызматкери издөөгө алынды. Сүрөт

0
(жаңыланган 19:40 06.12.2021)
УКМКга кайрылган жаран милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген.

БИШКЕК, 6-дек. — Sputnik. Улуттук коопсуздук мамлекеттик комитети Бишкек шаарынын Октябрь райондук ички иштер башкармалыгынын кызматкерине издөө жарыялады. Бул тууралуу УКМКнын маалымат кызматы билдирди.

С.Р. аттуу милиционер алдамчылыкка шектелүүдө.

  • Объявленный в розыск милиционер Октябрьского УВД. 06 декабря 2021 года
    Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген
    © Фото / пресс-служба ГКНБ КР
  • Объявленный в розыск милиционер Октябрьского УВД. 06 декабря 2021 года
    Тартип коргоо органынын өкүлү ар кандай шылтоолор менен ал каражатты кайтарып бербей жаткандыгы тууралуу арыз жазган
    © Фото / пресс-служба ГКНБ КР
1 / 2
© Фото / пресс-служба ГКНБ КР
Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген

Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген. Тартип коргоо органынын өкүлү ар кандай шылтоолор менен ал каражатты кайтарып бербей жаткандыгы тууралуу арыз жазган.

"Бул факт боюнча УКМК тарабынан Кылмыш-жаза кодексинин 209-беренесинин 4-бөлүгүнүн 1-пункту жана 4-пункту ("Кызматтык абалынан пайдаланып өзгөчө ири өлчөмдө жасалган алдамчылык") менен сотко чейинки өндүрүш иши башталган. С.Р. издөөгө алынып, Бишкек шаарынын Биринчи май райондук соту тарабынан камакка алуу түрүндөгү бөгөт чарасы (сыртынан) тандалды. Азыркы учурда тергөө иштери жүрүп жатат", — деп айтылат билдирүүдө.

Атайын кызмат бул адамдан жабыркаган жарандар болсо (0312) 66-04-75 нөөмөт кызматынын телефонуна, 0702233243 WhatsApp номерине, ошондой эле күнү-түнү иштеген аймактык башкармалыктарга (ишеним телефондору) кайрылууну өтүнөт:

  • Чүй облусу: (0312) 54-07 19:
  • Жалал-Абад облусу: (03722) 5-60-49;
  • Ош облусу: (03222) 2-30-78;
  • Ысык-Көл облусу: (03922) 5-11-80;
  • Талас облусу: (03422) 5-20-43;
  • Нарын облусу: (03522) 5-08-49;
  • Баткен облусу: (03622) 5-00-33.
0
Белгилер:
УКМК, милиция, алдамчылык, шектүү, издөө
Тема боюнча
ИИМ: Москвада ишкерлерди 33 миң долларга алдап, таптырбай жүргөн киши кармалды
УКМК салыкчылар менен Транспорт министрлигинин кызматкерлерин кармады