Aurus компаниясынын логотиби. Архив

Aurus учагынын ички жасалгасын Dubai Airshow учурунда көрсөтүштү. Видео

148
Адистер журналисттерге Aurus учагынын башкаруу системасынын коопсуздугу өтө жогорку деңгээлде экендигин айтып беришкен.

БИШКЕК, 14-ноя. — Sputnik. Россия Дубайдагы авиасалондо Aurus бизнес-жеттин ичи кандай жабдылып, жасалгандыгын көрсөтүштү. Бул туурасында РИА Новости жазды.

Аба кеменин ички бөлүгү Sukhoi Superjet 100дүн базасында түзүлүп, экиге бөлүнгөн. Биринчисинде ар кыл сүйлөшүүлөрдү жүргүзүүгө, тамактанууга болот. Ал эми экинчи бөлүгүндө диван жана ЖК-панелдер орнотулган.

Салонго билинер-билинбес көгүлжүм жарык түшүп турат.

Кокпит эки учкучка эсептелген жана люкстук лайнер 7,2 чакырымга уча алат.

"Учакты башкаруу системасынын коопсуздугу өтө жогорку деңгээлде, адамдын колу тийген учурлар аз болот", — деп айтып берген РИА Новостиге SSJ өкүлү.

Мурдараак Соода-өнөр жай министрлигинин жетекчиси Денис Мантуров маалымат берген. Ал Dubai Airshow көргөзмөсүндө Superjet комплектациясындагы Aurus учагынан сырткары россиялык ПД-14 кыймылдаткычы салынган МС-21-310 жана абадан көрсөтүлгөн каршылыктан коргонуучу зениттик-рекаталык "Витязь" С-350Е системасы коомчулукка тартууланарын айткан. Андан сырткары, бешинчи муундагы Су-75 Checkmate истребителин да алып барышарын билдирген.

SSJ100 — россиялык орто магистралдык жүргүнчү лайнери. Биринчи ирет 2008-жылдын май айында абага көтөрүлүп, үч жылдан кийин пайдаланыла баштаган. Aurus — россиялык люкс-класстагы автоунаалар бренди. Учурда лимузин, седан, минивэн жана жолтандабастарды чыгарып келет.

Жакында эле бизнес-жетти "Ансат" тик учактар толуктады. Соода-өнөр жай министрлигинен Aurus Business Jet боюнча VIP-топтомунун сертификатташтырууну 2022-жылы аягына чыгарарын айтышкан эле.

148
Белгилер:
Россия, Дубай, учак
Тема боюнча
Путин Бердымухамедов менен Aurus автоунаасын сатуу боюнча сүйлөштү

Сулуу кыздар жана мотоциклдер. Милан мотосалонунан кызыктуу 14 сүрөт

280
Италияда Милан мотосалон көргөзмөсү өтүп жатат. Sputnik Кыргызстандын сүрөт түрмөгүнөн иш-чаранын кызыктуу учурларын көрүңүз.

Быйылкы жылы жаңы чыгарылган мотоунаалардын көргөзмөсү 25-ноябрда башталды. Ал 28-ноябрга чейин созулат. Дүйнө жүзүндөгү мотоцикл сүйүүчүлөр муну менен 78-жолу чогулушууда. EICMA иш-чарасы 1914-жылдан бери жыл сайын Миланда өткөрүлүп келет. Алгачкы эки күндө салонго ЖМК өкүлдөрү жана профессионал адистер киргизилди. Калган күндөрү көргөзмө бардык каалоочулар үчүн эшигин ачат.

Бул жерде көрө турган көп кызыктар бар. EICMA дээрлик 80 миң чарчы метр аянттагы мототехниканын экспозициясын түзөт. Көргөзмөдөн мотоциклдерди, мопеддерди, мотороллерлерди, ошондой эле мотоциклдик жабдууларды, аксессуарларды, кийимдерди, бут кийимдерди жана коргоочу шаймандарды көрүүгө болот. Мындан тышкары, бул жерде тетиктер жана запастык бөлүктөрдүн кеңири түрү бар.

Дүйнөлүк компаниялардын жаңы үлгүлөрү стенддерде гана көрсөтүлбөстөн, мотоцикл көргөзмөсүндө да коомчулукка чыгарылат. Айтылуу SBK жана Supersport уюмдарынын өкүлдөрү желдей учкан мотоциклде чеберчиликтерин көрсөтүшөт. Аягында, албетте, көрүүчүлөр менен жолугушуп баарлашат.

 

280
  • © AFP 2021 / Piero Cruciatti

    Миланда (Италия) эл аралык мотоциклдер көргөзмөсү өтүүдө

  • © AFP 2021 / Piero Cruciatti

    Жаңы мотоунаалардын көргөзмөсү быйыл 25-ноябрда башталды, ал 28-ноябрга чейин созулат. Сүрөттө модель жаңы эле коомчулукка тааныштырылган Vespa скутеринде отурат.

  • © AFP 2021 / Piero Cruciatti

    Дүйнө жүзүндөгү мото ышкыбоздор 78-ирет көргөзмөгө чогулууда. Сүрөттө: Ducati Panigale of Team Go Eleven аталыштагы мотоцикли.

  • © AFP 2021 / Piero Cruciatti

    Алгачкы эки күндө салонго ЖМК өкүлдөрү жана профессионал адистер киргизилди. Калган күндөрү салон бардык каалоочуларга эшигин ачат.

  • © AFP 2021 / Piero Cruciatti

    EICMA дээрлик 80 миң чарчы метр мототехниканын экспозициясын түзөт. Сүрөттө модель Suzuki мотоциклин тааныштырып жаткан чагы.

  • © AFP 2021 / Piero Cruciatti

    Көргөзмөдөн мотоцикл, мопед, мотороллерлерди, ошондой эле мотоциклдик жабдууларды, аксессуарларды, кийимдерди, бут кийимдерди жана коргоочу шаймандарды көрүүгө болот. Сүрөттө модель кыз Honda мотосун көрсөтүүдө.

  • © AFP 2021 / Piero Cruciatti

    Мында тетиктер жана запастык бөлүктөрдүн кеңири түрү коюлган. Сүрөттө: шлемдер стендинин жанындагы кардарлар.

  • © AFP 2021 / Piero Cruciatti

    Дүйнөлүк компаниялардын жаңы моделдери стенддерде гана коюлбастан, көргөзмөгө да чыгарылды. Сүрөттө: модель кыздар Silence бренди чыгарган электрондук Nanocar S04 техникасын жарнамалап турушат.

  • © AFP 2021 / Piero Cruciatti

    Жаңы мототехника мотошоуга да чыгарылат. Сүрөттө: кардарлар Piaggio 1 электросамокаттарын карап көрүп жатышат.

  • © AFP 2021 / Piero Cruciatti

    Айтылуу SBK жана Supersport уюмдарынын өкүлдөрү желдей учкан мотоциклде чеберчиликтерин көрсөтүшөт. Аягында, албетте, көрүүчүлөр менен жолугушуп баарлашат. Сүрөттө: MV Agusta мотоциклин жарнамалаган модель кыз.

  • © AFP 2021 / Piero Cruciatti

    S01+ электроскутери көрүүчүлөрдүн назарына коюлууда

  • © AFP 2021 / Piero Cruciatti

    Модель кыз Aprilia мотоциклин жарнамалап жатат

  • © AFP 2021 / Piero Cruciatti

    Givi стендинин жанында турган кардарлар

  • © AFP 2021 / Piero Cruciatti

    Модель кыз Kawasaki Ninja H2SXSE мотоциклин тааныштырып жаткан чагы

Белгилер:
сүрөт, Милан, Италия, мотоцикл, көргөзмө
Тема боюнча
Темир тулпардагы сулуулар. Motorsport Expo — 2021 көргөзмөсүнөн 11 сүрөт

Үкү-робот карышкырлардын аң уулоого чыкканын көрсөттү. Видео

212
John Downer Productions студиясы жапайы жаныбар жана кушка окшогон роботторду жасашат. Алар кадимки жаныбарлардын тобуна аралашып, билинбей видеого тартат.

Бул ирет карышкыр-робот бөрүлөрдүн кантип аң уулоого чыкканын көрсөтүшү керек эле. Бирок олжо таап, ордунан атырылган жырткычтардын жоон тобуна жетпей калган.

Мындан улам карышкырлардын аңчылыкка чыкканын үкү-робот тарткан. Жырткычтар букалардын үйүрүнө кол салууга аракет кылган. Бирок мүйүздүү жаныбарлардын ага жол бербей топтошуп туруп алганын видеодон көрүүгө болот.

Карып калган бука менен карышкырлардын тиреши бир саатка созулуп, акыры ал жырткычтарга жем болгон.

212
Белгилер:
карышкыр, робот
Тема боюнча
Эки миңден ашык. РФте учкучсуз башкарылган техникалардын тобун санап беришти
Заманбап роботтор: учат, скейтборд тебет. Кызыктуу видео
COVID борбордо иштеген жакшынакай, сулуу робот кыздын видеосу
Автоунаалар. Архив

Арзан кезинде жасап алгыла! Министрликтин айдоочуларга эскертүүсү

0
(жаңыланган 10:52 27.11.2021)
Улуттук кампания жылдын аягына чейин болот. Акция башталгандан, тагыраагы, 1-июндан тарта 189 585 машина жаңы ээлерине катталган.

БИШКЕК, 27-ноя. — Sputnik. Кыргызстандагы автоунаа айдап жүргөндөрдү темир тулпарын нөлдүк ставка менен өзүнө кайра каттатып алууга дагы бир ай бар. Бул тууралуу Санарипти өнүктүрүү министрлигинен кабарлады.

Улуттук кампания жылдын аягына чейин уланат. Акциясыз күндөрү автоунааны кайра каттатууда бул кыймылдуу мүлктүн жалпы баасынан бекитилген эреже боюнча бир пайыз алынат. Эске салсак, мындай жеңилдетүү мурда да жарыяланып, анда 0,3 пайызга чейин болгон.

Азыркы арзандатуу шартында, 31-декабрга чейин жогоруда айтылган 1 пайыз алынбайт, министрлик андыктан темир тулпар ээлерине айдап жүргөн автоунаасын мурдагы кожоюндарынан кайра өзүнө каттатып алууда болгону 498 сом гана төлөй тургандыгын айтты. Бул кызмат көрсөтүүгө гана каралган акча. Эгерде ал номердик белгисин же аймагын өзгөрткүсү келсе, анда 1 633 сом төлөйт.

Акция башталгандан, тагыраагы, 1-июндан тарта 189 585 машина учурдагы ээсине каттатылган.

Өлкө боюнча бул багытта иш алып барган мамлекеттик "Унаа" ишканасынын аймактык 26 бөлүмү жумасына беш күн, тагыраагы, дүйшөмбү-жума күндөрү иштейт. Ал эми эс алуу күндөрү "Риом-авто" базарынан аталган мамлекеттик ишкананын Батыш аймактык бөлүмүнөн каттатып же кайра каттатып алса болот.

Мындай процедураларды эл үчүн жеңилдетүү жана тейлөөнү жакшыртуу үчүн банктык кызматтарды терминалдан төлөө системасы каралган. Министрликтен Бишкектеги, Оштогу шаардык, Жалал-Абаддагы аймактык бөлүмдө бул мүмкүнчүлүктөрдү пайдаланууга болорун билдирди.

0
Белгилер:
Кыргызстан, автоунаа, каттоо, акция
Тема боюнча
Транспорт салыгын төлөбөгөндөр четинен айыпка жыгылууда. Рейд жыйынтыгы
6 жерин майлаңыз. Автоунаага кыштын алдында кантип кам көрүш керек