Муамар Каддафинин уулу Сейф аль-Ислам Каддафи. Архив

Кыйнап өлтүрүлгөн Каддафинин уулу Ливиядагы президенттик шайлоого катышууга камынды

231
Ливияда президенттик шайлоо 24-декабрга белгиленген. Учурда 49 жаштагы Сейф аль-Ислам АКШнын саясий баскынчылыгынан улам атасы Муамар Каддафи жана эки бир тууганынан ажыраган.

БИШКЕК, 14-ноя. — Sputnik. 10 жыл мурда согушкерлер тарабынан өлтүрүлгөн Ливиянын президенти Муамар Каддафинин уулу Сейф аль-Ислам Каддафи президенттик шайлоого катышып, саясатка аралашууга ниет кылып жатат. Бул тууралуу РИА Новости al-Marsad гезитине таянып кабарлады.

"Сейф аль-Ислам Каддафи президенттик шайлоодо ат салышуу үчүн документтерин Жогорку шайлоо комиссиясынын Сабха шаарындагы бөлүмүндө каттатты", — деп айтылат маалыматта.

Белгилей кетсек, Ливияда президенттик шайлоо 24-декабрга белгиленген. Ага чейин өлкөнү өткөөл мезгилдеги аткаруу бийлиги башкарып турмакчы.

Ливиядагы кырдаал

2011-жылы АКШ менен НАТО башында турган эл аралык коалиция Ливияда операция жүргүзгөн. Тирешүү бир топ убакытка созулган. Аны кесепетинен бир кезде гүлдөп турган Ливия мамлекети бүтүндүгүнөн ажыраган. Ал жакта дале согуш оту өчө элек.

Муамар Каддафи жана анын уулу Муатасем өлтүрүлүп, 40 жылдан бери өкүм сүрүп келе жаткан режим кулаган. Хамис аттуу уулу Триполидеги бомбалоодон каза болсо, дагы бир уулу Сейф аль-Ислам туткунга алынган. Ал 2017-жылга чейин Ливиянын түрмөсүндө жатып чыккан.

Ошентип, учурда 49 жаштагы Сейф аль-Ислам АКШнын саясий баскынчылыгынан улам атасы Муамар Каддафи жана эки бир тууганынан ажыраган.

2011-жылы Каддафи өлтүрүлгөндөн кийин өлкөдө кризис башталган. Чыгышта жайгашкан Тобрук шаарында эл шайлаган парламент жыйын өткөрөт. Аны Хафтар башында турган улуттук армия колдоп келет. Ал эми батыш тарабындагы Триполи шаарында БУУ жана Евробиримдиктин колдоосу менен түзүлгөн өкмөт иштейт. Аны Файез Саррадж башкарат.

2019-жылдын 4-апрелинде Хафтар "террорчулардан бошотуу" үчүн Триполиге чабуул жасаган. Ал эми өкмөткө караштуу куралдуу түзүлүштөр жооп кайтарышкан. Натыйжада бир нече ай ичинде жүздөгөн киши көз жумуп, миңдеген адам жарадар болгон.

231
Белгилер:
Ливия, НАТО, президенттик шайлоо, Муамар Каддафи
Тема боюнча
"Каддафи буларды алдын ала көрө билген": Ливияда интервенттер эмне уюштурушкан?
COVID-19 тест лабораториясынын кызматкери. Архив

Адис: COVID-19дун жаңы штаммы СПИД болгон адамда пайда болушу мүмкүн

8
(жаңыланган 11:03 27.11.2021)
Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталып, Дүйнөлүк саламаттык сактоо уюму жума күнү чукул жыйын өткөргөн.

БИШКЕК, 27-ноя. — Sputnik. Азырынча аталышы жок, бирок B.1.1.529 деп белгиленип жаткан коронавирустун жаңы түрү алгач СПИД менен ооруган адамдын организминде пайда болушу мүмкүн. Бул тууралуу россиялык иммунолог Николай Крючков "Ридус" басылмасына билдирди.

Эске салсак, Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталгандыгына байланыштуу Дүйнөлүк саламаттык сактоо уюму жума күнү чукул жыйын өткөргөн.

Коронавирустун жаңы түрү аныкталганына байланыштуу Улуу Британия менен Израилде Түштүк Африкага каттамдар токтотулган.

"Жаңы вариант тууралуу азырынча көп нерсе белгисиз. Бирок окумуштуулар бул мутация ВИЧ-инфекциясын жуктурган адамдын организминде болгон деп божомолдоп жатышат. Болгондо дагы оорусу күчөп кеткен адамда. Жаңы штамм пайда болгон Түштүк Африкада СПИД илдетине чалдыккан адамдар көп болгондуктан, бул туура божомол деп ишенип жатабыз", — деди дарыгер.

Адис вирус өтө жугуштуу экенин айтып, ал вакцинага дагы туруштук бериши мүмкүн деп божомолдоодо.

"Бул вирус 32 жолу мутация болгон. Демек, өтө жугуштуу. Штаммдын бир бөлүгү "дельта", дагы бир бөлүгү "беттадан" турат. Курамында жаңы бөлүкчөлөр дагы бар", — деди Крючков.

Адис бул штамм дагы дүйнөгө тарап кетиши толук мүмкүн экенин кошумчалады.

8
Белгилер:
Дүйнө, коронавирус, жаңы штамм
Тема:
Дүйнөгө жайылган коронавирус
Тема боюнча
Адис COVID-19га каршы вакцинанын таасири канча убакытка жетип жатканын айтты
Россия: COVID-19га каршы өспүрүмдөр вакцинаcын колдонууга уруксат берилди

Сулуу кыздар жана мотоциклдер. Милан мотосалонунан кызыктуу 14 сүрөт

285
Италияда Милан мотосалон көргөзмөсү өтүп жатат. Sputnik Кыргызстандын сүрөт түрмөгүнөн иш-чаранын кызыктуу учурларын көрүңүз.

Быйылкы жылы жаңы чыгарылган мотоунаалардын көргөзмөсү 25-ноябрда башталды. Ал 28-ноябрга чейин созулат. Дүйнө жүзүндөгү мотоцикл сүйүүчүлөр муну менен 78-жолу чогулушууда. EICMA иш-чарасы 1914-жылдан бери жыл сайын Миланда өткөрүлүп келет. Алгачкы эки күндө салонго ЖМК өкүлдөрү жана профессионал адистер киргизилди. Калган күндөрү көргөзмө бардык каалоочулар үчүн эшигин ачат.

Бул жерде көрө турган көп кызыктар бар. EICMA дээрлик 80 миң чарчы метр аянттагы мототехниканын экспозициясын түзөт. Көргөзмөдөн мотоциклдерди, мопеддерди, мотороллерлерди, ошондой эле мотоциклдик жабдууларды, аксессуарларды, кийимдерди, бут кийимдерди жана коргоочу шаймандарды көрүүгө болот. Мындан тышкары, бул жерде тетиктер жана запастык бөлүктөрдүн кеңири түрү бар.

Дүйнөлүк компаниялардын жаңы үлгүлөрү стенддерде гана көрсөтүлбөстөн, мотоцикл көргөзмөсүндө да коомчулукка чыгарылат. Айтылуу SBK жана Supersport уюмдарынын өкүлдөрү желдей учкан мотоциклде чеберчиликтерин көрсөтүшөт. Аягында, албетте, көрүүчүлөр менен жолугушуп баарлашат.

 

285
  • © AFP 2021 / Piero Cruciatti

    Миланда (Италия) эл аралык мотоциклдер көргөзмөсү өтүүдө

  • © AFP 2021 / Piero Cruciatti

    Жаңы мотоунаалардын көргөзмөсү быйыл 25-ноябрда башталды, ал 28-ноябрга чейин созулат. Сүрөттө модель жаңы эле коомчулукка тааныштырылган Vespa скутеринде отурат.

  • © AFP 2021 / Piero Cruciatti

    Дүйнө жүзүндөгү мото ышкыбоздор 78-ирет көргөзмөгө чогулууда. Сүрөттө: Ducati Panigale of Team Go Eleven аталыштагы мотоцикли.

  • © AFP 2021 / Piero Cruciatti

    Алгачкы эки күндө салонго ЖМК өкүлдөрү жана профессионал адистер киргизилди. Калган күндөрү салон бардык каалоочуларга эшигин ачат.

  • © AFP 2021 / Piero Cruciatti

    EICMA дээрлик 80 миң чарчы метр мототехниканын экспозициясын түзөт. Сүрөттө модель Suzuki мотоциклин тааныштырып жаткан чагы.

  • © AFP 2021 / Piero Cruciatti

    Көргөзмөдөн мотоцикл, мопед, мотороллерлерди, ошондой эле мотоциклдик жабдууларды, аксессуарларды, кийимдерди, бут кийимдерди жана коргоочу шаймандарды көрүүгө болот. Сүрөттө модель кыз Honda мотосун көрсөтүүдө.

  • © AFP 2021 / Piero Cruciatti

    Мында тетиктер жана запастык бөлүктөрдүн кеңири түрү коюлган. Сүрөттө: шлемдер стендинин жанындагы кардарлар.

  • © AFP 2021 / Piero Cruciatti

    Дүйнөлүк компаниялардын жаңы моделдери стенддерде гана коюлбастан, көргөзмөгө да чыгарылды. Сүрөттө: модель кыздар Silence бренди чыгарган электрондук Nanocar S04 техникасын жарнамалап турушат.

  • © AFP 2021 / Piero Cruciatti

    Жаңы мототехника мотошоуга да чыгарылат. Сүрөттө: кардарлар Piaggio 1 электросамокаттарын карап көрүп жатышат.

  • © AFP 2021 / Piero Cruciatti

    Айтылуу SBK жана Supersport уюмдарынын өкүлдөрү желдей учкан мотоциклде чеберчиликтерин көрсөтүшөт. Аягында, албетте, көрүүчүлөр менен жолугушуп баарлашат. Сүрөттө: MV Agusta мотоциклин жарнамалаган модель кыз.

  • © AFP 2021 / Piero Cruciatti

    S01+ электроскутери көрүүчүлөрдүн назарына коюлууда

  • © AFP 2021 / Piero Cruciatti

    Модель кыз Aprilia мотоциклин жарнамалап жатат

  • © AFP 2021 / Piero Cruciatti

    Givi стендинин жанында турган кардарлар

  • © AFP 2021 / Piero Cruciatti

    Модель кыз Kawasaki Ninja H2SXSE мотоциклин тааныштырып жаткан чагы

Белгилер:
сүрөт, Милан, Италия, мотоцикл, көргөзмө
Тема боюнча
Темир тулпардагы сулуулар. Motorsport Expo — 2021 көргөзмөсүнөн 11 сүрөт
Айыл чарба министрлигинин айыл чарба өсүмдүктөрүн экспертизалоо департаментинин башкы агроном-биологу Бермет Иманбаева

Иманбаева: үрөн селекциясында жапайы өсүмдүктөрдүн келечеги кең

0
Айыл чарба министрлигинин айыл чарба өсүмдүктөрүн экспертизалоо департаментинин башкы агроном-биологу Бермет Иманбаева селекциялоодо жапайы өсүмдүктөрдүн мааниси тууралуу айтып берди.

Үрөн селекциясында жапайы өсүмдүктөрдүн келечеги кең. Анткени алар өлкөдөгү климатка ыңгайлуу, ооруларга каршы туруктуу болушат. Бул тууралуу Бермет Иманбаева Sputnik Кыргызстан радиосунда маек куруп жатып билдирди.

Иманбаева: үрөн селекциясында жапайы өсүмдүктөрдүн келечеги кең

Анын айтымында, өлкөнүн био-түрдүүлүгүн изилдөө үчүн чет мамлекеттерден экспедициялар келип турат.

"Генетикалык банкта айыл чарба өсүмдүктөрү менен бирге алардын жапайы түрлөрү дагы сакталат. Анткени жапайы түрү селекциялоодо маданий өсүмдүктүн жакын түрү болуп саналат. Кыйыштырганда жапайы түрүнүн гени дал келип жакшы сортторду чыгарууга мүмкүнчүлүк түзүлөт. Ошондой эле жапайы түрлөрү өлкөдөгү климатка ыңгайлуу, ооруларга каршы туруктуу болушат. Үрөн селекциясында булардын келечеги кең. Селекцияны өнүктүрүү, өлкөнүн пайдасына колдонуу үчүн өсүмдүктөрдүн жапайы түрлөрү эң чоң байлык болуп эсептелет. Анын үстүнө Кыргызстанда маданий өсүмдүктөрдүн жапайы түрлөрү абдан көп. Ошондуктан башка мамлекеттерден экспедициялар келип, изилдешет. Себеби алар өздөрүнүкүн жоготуп алышкан", — деди Иманбаева.

Ошондой эле ал өлкөнүн климаты ар кандай өсүмдүктөрдүн түрлөрүнө ыңгайлуу экенин кошумчалады.

Подкасттын толук вариантын видеодон көрүңүз:

0
Белгилер:
үрөн, өсүмдүктөр, дыйкан, Бермет Иманбаева
Тема боюнча
Кыргызстанда сактоодогу үрөндөрдүн коллекциялары жаңыртылат