Биткоиндин сувенирдик тыйыны. Архив

Биткоин чыры. АКШ соту криптовалютаны ким ойлоп тапканын аныктоого киришти

264
(жаңыланган 11:31 15.11.2021)
Биткоинди ойлоп тапкан киши криптовалюта дүйнөсүндө өтө кадыр-барктуу фигура. Азыр аны Сатоши Накамото деген ат менен таанышат.

БИШКЕК, 15-ноя. — Sputnik. Флорида штатында (АКШ) өтүп жаткан сот процесси биткоинди ойлоп таап, иштеп чыккан Сатоши Накамото каймана аты менен таанымал адамдын чыныгы ысымын ачыкка чыгарганы турат. Бул тууралуу The Wall Street Journal кабарлады.

Криптовалюталарды ойлоп тапкан деп божомолдонуп келген австралиялык программист Крейг Райт менен анын мурдагы өнөктөшү маркум Дейв Клеймандын үй-бүлөсүнүн ортосунда бир нече жылдан бери талаш-тартыш болуп келет.

Райт Сатоши Накамото деген менмин деп келсе, Клеймандын үй-бүлөсү криптовалюталарды экөөлөп иштеп чыккан деп, ушул убакка чейин чогулган миллион биткоиндин тең жарымын (баасы 64 миллиард доллар) талап кылууда.

ЖМКлардын жазганына караганда, Сатоши Накамото ким экенин бир гана жол менен аныктоого болот. Ал кишиде буга чейин чогулуп калган 1 миллион биткоинге жетүү үчүн ачкыч болушу керек. Ошол биткоиндердин жок дегенде бир бөлүгүн чыгарып кете алган адам аларды ойлоп табууга тиешеси бар деп таанылмакчы.

10-ноябрь күнү токендин баасы 69 миң долларга жетип, рекордду жаңылады.

264
Белгилер:
АКШ, биткоин, сот, чечим
Тема боюнча
Назарбаев ШКУдагы эсепти улуттук валютада жүргүзүүнү сунуштады
Жасалма биткоин, финансы пирамидасы. Милиция шылуундарды кантип билсе болорун айтты
Спутник Лайт вакцинасы. Архив

Гинцбург: "Спутник Лайт" менен тамчылатма вакцинаны бирге колдонсо болот

15
(жаңыланган 17:15 02.12.2021)
Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

БИШКЕК, 2-дек. — Sputnik. "Спутник Лайт" менен коронавируска каршы таноого тамчылаткан вакцинаны аралаш колдонсо болот. Бул тууралуу Гамалея атындагы Эпидемиологиялык жана микробиология боюнча улуттук изилдөө борборунун окумуштуусу Александр Гинцбургдун айтканын РИА Новости жазды.

"Бул ден соолукка зыянын тийгизбейт", — деп кошумчалаган ал.

Октябрдын ортосунда Россиянын Саламаттык сактоо министрлиги Гамалея борбору тарабынан иштелип чыккан SPRAY 08-Гам-КОВИД-Вак-2021 вакцинасынын клиникалык сыноолоруна уруксат бергени айтылган.

Гинцбург тамчылатма препараттын кыйыр таасири жоктугун билдирген. Анын орун басары Денис Логуновдун айтымында, бул дем алуу органдарында иммунитетти пайда кылып, ооруга кошумча тоскоолдук жаратууга багытталган процедура.

Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

"Оорутуп же оорутпаганы боюнча айтсам, эки саат мурда сайган, эч нерсе деле сезген жокмун. Баары кадыресе эле, абалым да күндөгүдөй", — деген Путин анда.

Путин COVID-19га каршы тамчылатма вакцинаны эксперимент жасоо боюнча ыктыярчыларды чакырган.

15
Белгилер:
Россия, Владимир Путин, Александр Гинцбург, вакцина
Тема:
"Спутник V" вакцинасы
Тема боюнча
"Кыйыр таасири жок": мурунга тамчылаткан вакцинанын коопсуз экени айтылды
Евразиялык экономикалык биримдик (ЕАЭБ). Архив

ЕАЭБ Индия, Египет, Израиль менен сооданы либералдаштырууну сүйлөшүп жатат

24
(жаңыланган 16:43 02.12.2021)
Россиянын өкмөт башчысы Михаил Мишустин ЕАЭБ дүйнөлүк аренада өзүнүн беделин арттырып жаткан күчтүү эл аралык бирикме деген пикирин билдирди.

БИШКЕК, 2-дек. — Sputnik. Евразиялык экономикалык биримдик (ЕАЭБ) Индия, Египет, Израиль менен сооданы либералдаштыруу жаатында сүйлөшүп жатат. Бул тууралуу Евразиялык экинчи конгрессте Россия өкмөтүнүн төрагасы Михаил Мишустин билдирди.

Мишустин "Маанилүү инвестициялык долбоорлор — ЕАЭБдеги экономикалык өсүштүн системалык драйверлери" аталыштагы сессияда сүйлөп жатып ЕАЭБ дүйнөлүк аренада өзүнүн беделин арттырып жаткан күчтүү эл аралык бирикме деген пикирин билдирди.

"Аймактык интеграциялык түзүмдөр жана башка өлкөлөр менен өз ара пайдалуу кызматташуу үчүн тыгыз мамилелерге чыйыр салып жатабыз. Албетте, биздин өнөктөштөргө айта турган сунуштарыбыз бар. ЕАЭБдин топтолгон мүмкүнчүлүктөрү ар кыл тармактагы маселелерди кеңири талкуулоого шарт түзүп берет. Биз Вьетнам, Иран, Сингапур, Сербия менен эркин соода кылуу жөнүндө, ал эми Кытай менен иштешүү жаатында эки келишимибиз бар. Сооданы либералдаштыруу үчүн Египет, Израиль менен сүйлөшүүлөр жүрүп жатат, Ал эми Индия менен мындай процессти жаңы баштаганы турабыз", — деген Мишустин.

Анын айтымына караганда, байкоочу мамлекет макамын Өзбекстан менен Куба кеңири колдонуп жатат. Алар соода-экономикалык мамилелерди тереңдетүүгө жаңы мүмкүнчүлүктөргө ээ болду. Мунун баары аталган интеграциялык уюмдун өнүгүүсүнө кошумча түрткү берери айтылды.

Евразиялык экинчи конгресстин жүрүшүн түз алып берип жаткан эфирди бул шилтеме менен кирип көрсөңүздөр болот.

Иш-чараны Евразиялык өнүктүрүү банкы (ЕАБР) Россия өкмөтүнүн колдоосу менен уюштурган. Эл аралык Sputnik агенттиги менен радиосу конгресстин башкы маалыматтык өнөктөшү болууда.

24
Белгилер:
Евразиялык экономикалык биримдик, Индия, Египет, Израиль, Михаил Мишустин
Тема:
ЕАЭБдеги Кыргызстан
Тема боюнча
ЕАЭБдин бирдиктүү товар өткөрүү тармагы Кыргызстанга эмнеси менен пайдалуу
Экс-депутат Ахматбек Келдибеков. Архив

УКМКга барган Келдибеков шайлоо таза өткөнүнө ынанганын билдирди. Видео

0
(жаңыланган 19:26 02.12.2021)
Атайын кызмат Келдибеков менен болгон баарлашуунун видеосун жарыялады. Бул киши боюнча тергөө иштери уланып, анын жыйынтыгы өз убагында коомчулукка маалымдалары белгиленди.

БИШКЕК, 2-дек. — Sputnik. Ахматбек Келдибеков УКМКдагы түшүндүрүү иштеринен кийин Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды. Бул тууралуу Улуттук коопсуздук мамлекеттик комитети билдирип, видеосун жарыялады.

Буга чейин интернет айдыңына видео тараган. Анда Келдибеков Жогорку Кеңешке шайлоонун алдын ала жыйынтыгы бурмаланганын айткан. Мындан улам УКМК Келдибековду кечээ күнү суракка чакырган.

Посмотреть эту публикацию в Instagram

Публикация от Sputnik Кыргызстан (@sputnik_kyrgyzstan)

Кылмыш ишинин алкагында Келдибеков, санариптик өнүктүрүү министри Дастан Догоев жана БШКнын башкармалыгынын жетекчиси Акимбаев окуянын чоо-жайын талкуулоо үчүн суракка чакырылганы айтылды. Түшүндүрүү иштеринен кийин Келдибеков төмөнкүлөрдү билдирген.

"Суракка кирип чыктым, биз маселени эки сааттай талкууладык. Формула түзүлүп жатканда эмне себептен кээ бир добуштар экиден саналып кеткенин ачыктадык. Бул БШКнын адистери кетирген ката экени далилденди. Айрым тилкелердеги бюллетендерди кол менен санап чыгууга макул болдук", — деди Келдибеков.

Ал эми атайын кызмат компетенттүү кызматкерлер саясатчыга далилдерди келтирип бергенин айтты.

"БШКнын компетенттүү кызматкерлери келтирген төгүндөлгүс далилдердин жана жүйөлүү аргументтердин натыйжасында, Келдибеков Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды", — деди УКМКдан.

Бул кылмыш иши боюнча тергөө иштери уланып, анын жыйынтыгы өз убагында коомчулукка маалымдалат.

0
Белгилер:
Кыргызстан, УКМК, Ахматбек Келдибеков, шайлоо, сурак
Тема:
Жогорку Кеңешке жаңы тартип менен болчу шайлоо
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
Текебаевге кол салууну үчүнчү күчтөр уюштурушу мүмкүнбү? ИИМдин жообу