Тамагы ооруган аял. Архивдик сүрөт

Үндүн өзгөрүшү айыккыс оорудан кабар берет. Окумуштуулар үч белгини атады

576
Паркинсон оорусу — жай өрчүгөн неврологиялык өнөкөт оору. Ал мээ клеткаларынын дофамин химиялык затын бөлүп чыгаруу процессинин бузулушунан келип чыгат.

БИШКЕК, 18-ноя. — Sputnik. Паркинсон оорусунун башталышын үндөгү өзгөрүүлөрдөн байкаса болот. Бул тууралуу Express басылмасы Паркинсон оорусу боюнча Америкадагы ассоциацияга шилтеме берүү менен жазды.

Адистердин айтымында, бул кесел менен жабыркагандардын үнү акырын чыгып же башында бийик болуп, андан соң басаңдап калат. Бейтап эмоционалдык абалын жана үндүн деңгээлин башкара албагандыктан кеби монотондуу болуп чыгат. Андан тышкары, кекечтенүү дагы оорунун башталышынан кабар берет.

Паркинсон оорусу — жай өрчүгөн неврологиялык өнөкөт оору. Ал мээ клеткаларынын дофамин химиялык затын бөлүп чыгаруу процессинин бузулушунан келип чыгат. Мындан адамдын кыймыл-аракетине жооп берген клеткалардын функциясы бузулат.

Булчуңдардын катуулугу, гипокинезия, титирөө жана постуралык туруксуздук баштапкы симптомдор болуп саналат.

Заманбап медицина бул дартты айыктыра албайт. Бирок учурдагы дарылоо бейтаптын абалын бир топ жакшыртып, дарттын жай өрчүшүнө өбөлгө болот.

Дүйнөдө Паркинсон оорусу менен жабыркагандардын саны 10 миллионго жетет. Улуу муундагылар бул дартка көп кабылат, бирок бейтаптардын 4 пайызы 50 жашка чейинкилер. Эркектер бул ооруга аялдарга караганда 1,5 эсе көбүрөөк дуушар болушат.

576
Белгилер:
ден соолук, медицина, Паркинсон оорусу
Тема боюнча
Күнүгө колдонобуз. Жүрөк оорусун пайда кылган азык аталды
Сасык тумоо менен ооругандар үч эсе көбөйдү, балдардан пневмония аныкталууда
Оору күчөгөн маалда иммунитетке кантип жардам берсе болору айтылды
Россиянын учагы Афганистандан жарандарды эвакуациялоо учурунда

Россиянын учактары Афганистандан элди алып келүүгө кетти. Ичинде КР жарандары бар

27
(жаңыланган 10:01 01.12.2021)
Россия лидери Владимир Путиндин тапшырмасы менен коргоо министри Сергей Шойгу Афганистан аймагынан элди эвакуациялоо үчүн үчүнчү ирет учак жиберген.

БИШКЕК, 1-дек. — Sputnik. Россиянын аскердик-транспорттук үч учагы Афганистандан жарандарды эвакуациялап, гуманитардык жардам жеткирүү үчүн учуп кетти. Алардын бири Кабул шаарына барып конду деп билдирди РИА Новости.

"Россия лидери Владимир Путиндин тапшырмасы менен коргоо министри Сергей Шойгу Афганистан аймагына үчүнчү эвакуациялык иштерди уюштурду. Ал жактан Россиянын (380ден ашуун) жана ЖККУга мүчө болгон мамлекеттердин (Кыргызстан) жарандарын жана Россия аймагында окуп жаткан афганистандык студенттерди алып келет", — деп айтылган маалыматта.

Учактар Кабулга Подмосковьедеги Чкалов аэродромунан жөнөп кеткен.

Маалыматта россиялык аба кемелери афган элине эмне жардам алып барганы такталып жатканы жазылган.

27
Белгилер:
Афганистан, Россия, Кыргызстан, эвакуация, учак, гуманитардык жардам
Тема боюнча
Россия Афганистандан өз жарандары менен кошо кыргызстандыктарды ала чыгат
Сахнадагы кыз. Архив

Балага эл алдында сүрдөбөй сүйлөөнү үйрөтүү керекпи? Психологдун пикири

40
Адис эч качан баланы кыйнап, бирөөлөрдүн алдында ырдатып-бийлетпеш керектигин айтат. Андан көрө өз эрки менен өнөрүн көрсөткөн учурда мактап, көңүлүн көтөрүп коюу зарыл.

БИШКЕК, 1-дек. — Sputnik. Балага кичине кезинен баштап эл алдына чыгып сүрдөбөй сүйлөөнү үйрөтүүнүн канчалык зарылдыгы бар? Бул тууралуу РИА Новости агенттигине маек берип жатып Россиянын билим берүү тармагындагы психологдор федерациясынын мүчөсү, педагог-психолог Юлия Челышева айтты.

Алгач адис балага эл алдына чыгып сүйлөөнүн кандай пайдасы бар экенин түшүндүрдү.

"Сүйлөп жаткан адам ар дайым жалгыз болот. Аны угуп жаткандардын бардыгы ага карама-каршы турат. Ошол кезде бала канчалык өзүнө ишенип, жакшы сезсе, кийин ошончолук төгөрөгү төп келген адам болуп чоңоёт. Ал эми айтаар сөзүн таппай калган, уялчаак болуп чоңойгон кишини кийин оңдоо өтө татаал", — деди Челышева.

Ошондой эле ал балага публика алдында сүйлөөнү кантип үйрөтсө болорун айтып берди.

"Эч качан наристени кыйнап, коноктордун көзүнчө ырдатып, бийлетпеш керек. Анткени адам көпчүлүк учурда бирөөнүн баасынан коркот, өзүнө жакпаган сөз угуп калса чүнчүйт. Андан көрө үй-бүлө мүчөлөрүнүн арасында сүйлөп, жакшы өнөрүн көрсөткөндө мактап, жакшы сөздөрдү айтып коюу зарыл", — деди психолог.

Адис сөзүнүн аягында бала уялчаак болсо, аны алгач жалгыз киши эмес, топ-топ болуп иштеген спорттук же башка ийримдерге катыштырган жакшы экенин айтат. Анткени ал жалгыз эмес, артында командасы бар экенин билгенде акырындык менен өзүнө болгон ишеними бекемдей баштайт.

40
Белгилер:
бала, психология, комплекс, уялчаактык, публика, сүрдөө
Тема боюнча
Балага акчаны туура колдонгонду кантип үйрөтсө болот? Адистердин кеңеши
Бала татуировка жасатып, чачын жашылга боёйм десе эмне кылуу керек. Адистин кеңеши