АКШ президенти Жо Байден. Архив

Байден ыйгарым укуктарын убактылуу вице-президентке тапшырат. Себеби

252
(жаңыланган 23:07 19.11.2021)
АКШда аз болсо да алгачкы ирет аял киши мамлекет башчынын ыйгарым укуктарын колуна алып жатканы айтылган.

БИШКЕК, 19-ноя.— Sputnik. АКШ президенти Жо Байден ооруканада анестезияда болуп турганга чейин ыйгарым укуктарын вице-президент Камале Харриске убактылуу тапшыра турат. Бул тууралуу Ак үйдүн маалымат катчысы Жен Псаки кабарлаганын РИА Новости жазды.

"Вице-президентке кызматын убактылуу тапшыра туруу Байден бийликке келгенден бери алгачкы ирет катталып жатат. Ошондой эле АКШда аз болсо да алгачкы ирет аял киши мамлекет башчынын ыйгарым укуктарын колуна алууда", — деп жазылат кабарда.

Маалымат катчы Байден Уолтер Риддин медициналык борборуна кароодон өткөнү барганын айтып, ал жактан ага пландык колоноскопия жасала турганын белгилеген.
"2002-жылы жана 2007-жылы Жорж Буш да ушундай кылган. АКШнын конституциясына ылайык, Байден ыйгарым укугун кыска убакытка вице-президентке бере турат. Анткени өзү наркоздо болот", — деп жазылат Псакинин билдирмесинде.

Ал жуманын экинчи жарымында администрация президенттин ден соолугу тууралуу маалымат бериле турганын айтып, Байден дарыланып жатканда Харрис Ак үйдүн батыш тарабындагы өз иш бөлмөсүнөн анын кызматын аткарып турарын кошумчалаган.

252
Белгилер:
АКШ, Жо Байден, ден соолук
Тема боюнча
АКШ: Байденге импичмент жарыялаган резолюция долбоору Конгресске киргизилди
Байден Австралиянын премьер-министринин атын эстей албай... Видео
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

68
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

68
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Пассажиры на одной из станций Московского метрополитена.

Москва метросунун жүргүнчүлөрү Кыргызстан менен КМШ өлкөлөрүнө көп чалышат

128
Россиянын борбор калаасындагы метро жүргүнчүлөрү КМШ өлкөлөрүнө чалганда 35 секунддун тегерегинде гана сүйлөшөрү аныкталган.

БИШКЕК, 30-ноя. — Sputnik. Москва метросунун жүргүнчүлөрү көбүнчө Өзбекстан, Армения, Кыргызстан, Беларусь жана Словенияга телефон чалышат. Бул тууралуу МТС компаниясынын иликтөөсүнүн жыйынтыгына шилтеме берип РИА Новости жазды.

Маалыматка караганда, роуминг аркылуу эл аралык чалуулардын 90 пайзы дал ушул мамлекеттерге туура келет.

"МТС компаниясынын уюлдук байланыш боюнча кызматын пайдалангандар метродо жүргөндө көбүнесе Өзбекстан, Армения, Кыргызстан, Беларусь жана Словенияга чалышат. Алыскы чет өлкөлөр тууралуу айта турган болсок, метродо жүргөндөр Болгария, Греция, Италия, Түркия, Кипр сыяктуу өлкөлөрдөгү жакындары менен байланышат", — деп айтылат билдирүүдө.

Метро жүргүнчүлөрү Россиянын ичинен кимдир бирөө менен байланышса, сөз орто эсеп менен 1,5 мүнөткө созулат. Ал эми КМШ өлкөлөрүнө чалгандар 35 секунддун тегерегинде гана сүйлөшөт.

128
Белгилер:
Россия, Москва, Кыргызстан, телефон, чалуу
Тема боюнча
Москвада мигранттардын санын дагы кыскартуу пландалып жатат
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

0
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

0
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат