Арзандатуу өткөрүп аткан дүкөндүн алдынан өтүп аткан киши. Архивдик сүрөт

Эксперт арзандатуу жумасында шылуундар колдончу ыкмаларды айтып берди

212
(жаңыланган 14:43 21.11.2021)
Алдамчылар сайттарды жасалмалап дүкөндүн атын бир тамга менен алмаштырып же "О" тамгасынын ордуна "0" цифрасын коюп коюшу ыктымал.

БИШКЕК, 21-ноя. — Sputnik. Арзандатуулар жумасы башталганда дүкөндөр эле эмес, алдамчы шылуундар да капчыгын кампайтышы мүмкүн. Бул туурасында "Зенит" банкынын киберкоопсуздук департаментинин директору Олег Волков РИА Новостиге билдирген.

Адистин айтымында, шылуундар атактуу дүкөндөрдүкүнө окшош жасалма сайт ачып, банктык карталардын маалыматын чогултат.

"Арзандатуу жумасында алдамчылар жанданып, киберчабуулдардын саны өсөт. Көбүнчө алар белгилүү дүкөндөрдүн жасалма сайтын түзүп, онлайн сатып алууларга ири суммада арзандатууну убадалайт. Анан кардарлар онлайн төлөм сервисине киргенде дароо жазылган картасынын маалыматын жашыруун коду менен кошо даркнетке сатып жиберет", — деди Волков.

Эксперт шылуундардын тузагына түшүүдөн сактануу үчүн жөнөкөй эле эрежелерди эске алууну сунуштайт. Мисалы, кызыктырган жарнама кандай сайтта турганын дыкат текшерүү керек. Чыныгы дүкөндөн атын бир тамга менен алмаштырып же "О" тамгасынын ордуна "0" цифрасын коюп коюшу ыктымал.

"Белгилүү интернет-дүкөндөрдүн сайтында соода маркасын көрсөткөн дареги жазылат. Эгер сайттын аталышында кандайдыр бир кошумча символдор жок болсо же .org, .info деген сыяктуу коммерциялык эмес домен жазылса, онлайн сатып алууну дароо токтотуш керек", — деди адис.

Олег Волков интернеттен сатып алуу үчүн өзүнчө банктык карта колдонуп, ага керектүү учурда гана акча салып туруу керек деп эсептейт. Эгер карта негизги эсепке уланган болсо, каражат чыгарууну чектеп коюш керек, мисалы, күнүнө 3-5 миң рубль гана иштетүүгө мүмкүнчүлүк берип койсо болот.

212
Белгилер:
сайт, жасалма, шылуун, арзандатуу, онлайн-дүкөн
Тема боюнча
ИИМ: Москвада ишкерлерди 33 миң долларга алдап, таптырбай жүргөн киши кармалды
Үй убадалап акчасы менен унаасын алып кеткен шылуун 6 жылдан соң кармалды
Спутник Лайт вакцинасы. Архив

Гинцбург: "Спутник Лайт" менен тамчылатма вакцинаны бирге колдонсо болот

12
(жаңыланган 17:15 02.12.2021)
Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

БИШКЕК, 2-дек. — Sputnik. "Спутник Лайт" менен коронавируска каршы таноого тамчылаткан вакцинаны аралаш колдонсо болот. Бул тууралуу Гамалея атындагы Эпидемиологиялык жана микробиология боюнча улуттук изилдөө борборунун окумуштуусу Александр Гинцбургдун айтканын РИА Новости жазды.

"Бул ден соолукка зыянын тийгизбейт", — деп кошумчалаган ал.

Октябрдын ортосунда Россиянын Саламаттык сактоо министрлиги Гамалея борбору тарабынан иштелип чыккан SPRAY 08-Гам-КОВИД-Вак-2021 вакцинасынын клиникалык сыноолоруна уруксат бергени айтылган.

Гинцбург тамчылатма препараттын кыйыр таасири жоктугун билдирген. Анын орун басары Денис Логуновдун айтымында, бул дем алуу органдарында иммунитетти пайда кылып, ооруга кошумча тоскоолдук жаратууга багытталган процедура.

Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

"Оорутуп же оорутпаганы боюнча айтсам, эки саат мурда сайган, эч нерсе деле сезген жокмун. Баары кадыресе эле, абалым да күндөгүдөй", — деген Путин анда.

Путин COVID-19га каршы тамчылатма вакцинаны эксперимент жасоо боюнча ыктыярчыларды чакырган.

12
Белгилер:
Россия, Владимир Путин, Александр Гинцбург, вакцина
Тема:
"Спутник V" вакцинасы
Тема боюнча
"Кыйыр таасири жок": мурунга тамчылаткан вакцинанын коопсуз экени айтылды
Евразиялык экономикалык биримдик (ЕАЭБ). Архив

ЕАЭБ Индия, Египет, Израиль менен сооданы либералдаштырууну сүйлөшүп жатат

22
(жаңыланган 16:43 02.12.2021)
Россиянын өкмөт башчысы Михаил Мишустин ЕАЭБ дүйнөлүк аренада өзүнүн беделин арттырып жаткан күчтүү эл аралык бирикме деген пикирин билдирди.

БИШКЕК, 2-дек. — Sputnik. Евразиялык экономикалык биримдик (ЕАЭБ) Индия, Египет, Израиль менен сооданы либералдаштыруу жаатында сүйлөшүп жатат. Бул тууралуу Евразиялык экинчи конгрессте Россия өкмөтүнүн төрагасы Михаил Мишустин билдирди.

Мишустин "Маанилүү инвестициялык долбоорлор — ЕАЭБдеги экономикалык өсүштүн системалык драйверлери" аталыштагы сессияда сүйлөп жатып ЕАЭБ дүйнөлүк аренада өзүнүн беделин арттырып жаткан күчтүү эл аралык бирикме деген пикирин билдирди.

"Аймактык интеграциялык түзүмдөр жана башка өлкөлөр менен өз ара пайдалуу кызматташуу үчүн тыгыз мамилелерге чыйыр салып жатабыз. Албетте, биздин өнөктөштөргө айта турган сунуштарыбыз бар. ЕАЭБдин топтолгон мүмкүнчүлүктөрү ар кыл тармактагы маселелерди кеңири талкуулоого шарт түзүп берет. Биз Вьетнам, Иран, Сингапур, Сербия менен эркин соода кылуу жөнүндө, ал эми Кытай менен иштешүү жаатында эки келишимибиз бар. Сооданы либералдаштыруу үчүн Египет, Израиль менен сүйлөшүүлөр жүрүп жатат, Ал эми Индия менен мындай процессти жаңы баштаганы турабыз", — деген Мишустин.

Анын айтымына караганда, байкоочу мамлекет макамын Өзбекстан менен Куба кеңири колдонуп жатат. Алар соода-экономикалык мамилелерди тереңдетүүгө жаңы мүмкүнчүлүктөргө ээ болду. Мунун баары аталган интеграциялык уюмдун өнүгүүсүнө кошумча түрткү берери айтылды.

Евразиялык экинчи конгресстин жүрүшүн түз алып берип жаткан эфирди бул шилтеме менен кирип көрсөңүздөр болот.

Иш-чараны Евразиялык өнүктүрүү банкы (ЕАБР) Россия өкмөтүнүн колдоосу менен уюштурган. Эл аралык Sputnik агенттиги менен радиосу конгресстин башкы маалыматтык өнөктөшү болууда.

22
Белгилер:
Евразиялык экономикалык биримдик, Индия, Египет, Израиль, Михаил Мишустин
Тема:
ЕАЭБдеги Кыргызстан
Тема боюнча
ЕАЭБдин бирдиктүү товар өткөрүү тармагы Кыргызстанга эмнеси менен пайдалуу
Депутатттар Жогорку Кенеш. Архивдик сүрөт

500 сомго эле азайдыбы? Жапаровдун жарлыгына чейин депутаттар канча маяна алчу

23
(жаңыланган 18:40 02.12.2021)
Бир жыл мурунку маалымат менен салыштырганда, депутаттардын гана айлыгы 500 сомго азайып, төрага менен вице-спикерлердики өзгөрүүсүз калган.

БИШКЕК, 2-дек. — Sputnik. Бүгүн президенттин маалымат кызматы Жогорку Кеңештин депутаттарынын маянасы азайтылганы тууралуу маалымат таратты. Чыгымдарды кыскартуу тууралуу жарлыкка мамлекет башчы Садыр Жапаров кол койгон. 

Ага ылайык, мындан ары төрага 30 миң, орун басарлары 27 миң, фракция лидерлери менен тармактык комитеттин төрагалары 26 миң, депутаттар 25 миң сом алары (оклад) көрсөтүлгөн. Бирок билдирүүдө эл өкүлдөрүнүн эмгек акысы канча пайызга кыскартылганы жазылган эмес.

Белгилей кетсек, былтыр пандемия күчөп жаткан маалда "депутаттар каникулга чыгып кетсе да 200-300 миң сомдон эмгек акы алып жатат" деген маалымат тараган. Ошол кездеги парламенттин маалымат кызматынын жетекчиси Ибраим Нуракун уулу жогоруда аталган кепти төгүндөп, эл өкүлдөрү чынында канча айлык аларын айткан. 

Эгер аны менен салыштыра турган болсок, депутаттардын маянасы 500 сомго гана азайган. Ал эми төрага менен вице-спикерлердики өзгөрүүсүз эле калган. Мында фракция лидерлери менен комитеттин төрагалары канча алары айтылган эмес. 

Президенттин жарлыгынан кийин ЖК депутаттарынын маянасы канчага кыскарат
© Фото / Даниил Сулайманов
Президенттин жарлыгынан кийин ЖК депутаттарынын маянасы канчага кыскарат

Бул жерде кеп негизги айлыгы, башкача айтканда, оклады жөнүндө гана сөз болууда. Эмгек кодексине ылайык, иш тажрыйбасына, класстык чинине карап дагы кошумча төлөнөт. Бир айлык маянасынын суммасына барабар эмгек өргүү акысы төлөнөт. Мындан сырткары, транспорттук чыгымдарга, концелярдык буюмдарга деп ай сайын ар бир депутатка 40 миң сомдон берилет.

Ошондой эле Жапаров бүгүнкү жарлыгы менен кызматтык автоунааларды дагы алып салганы жазылган.

"Буга чейин Жогорку Кеңештин депутаттарына турак жай үчүн компенсация төлөнүп келген. Бул жарлык менен компенсациялар жана кызматтык автоунаалар алып салынды, ал эми колдо бар кызматтык батирлер турак жайы жок парламент депутаттарына бөлүштүрүлөт", — деп билдирди маалымат кызматы.

Жогорку Кеңештин азыркы VI чакырылышынын депутаттары 2015-жылдын ноябрында кызматтык унаадан баш тарткан. Төрага жана анын эки орун басары, майыптыгы бар эл өкүлү гана автоунаа менен камсыздалат. Калганы жеке унаасы менен иштөөгө макул болгон.

Ал эми кызматтык турак жайлар Бишкекте жашай турган жери жок парламентарийлердин баарына берилип келет.

23
Белгилер:
Жогорку Кеңеш, депутат, маяна, азайтуу, салыштыруу
Тема боюнча
Президенттин иш башкармалыгы эми Жогорку Кеңешти да тейлемей болду
Бирөөнүн ордуна добуш бере албайсыңар. ЖКнын вице-спикери шайланбай калды