ТИМ өкүлү Мария Захарова

Захарова Латвияда Георгий тасмасын тагынууга тыюу салган саясатты айыптады

62
ТИМ өкүлү кара санатайлыкты жеңген ак ниеттүүлүктүн символдоруна тыюу салуу саясатта жасала турган маани-маңызы жок кадам деп белгиледи.

БИШКЕК, 22-ноя. — Sputnik. Латвияда Георгий тасмасын коомдук жайларда тагынып жүрүүгө тыюу салуу дүйнөлүк коомчулукка ардагерге тагылган Жеңиштин символун эмес, ошол өлкөнү жаманатты кылат. Бул туурасында ТИМ өкүлү Мария Захарова айтканын РИА Новости жазды.

"Сиздерге айта кетейин, бардык эл аралык аянтчаларда тарыхый чындыкты талашабыз, буга чейин кандай кадам жасасак, аны мындан ары да улантабыз", — деген ал онлайн-конференция учурунда.

Дипломат мындай кадамдын төркүнү белгилүү экенин баса белгилеген. Аны айтымына караганда, Рига "азыркы администрация учурунда айтылгандарды аткарам деген аракет менен саясий жана укуктук чечим кабыл алууда эл аралык укуктук принциптерге, басмырлоону четке кагууга каршы келген кадамдарды жасап жатат".

Захарова муну бекер жерден белгилеген эмес. Георгий тасмаларын тагып жүрүүгө, тагыраагы, "ар бир онунчу адам "атуулдун эмес", маскара кылган бул статусун алып жүрөт" деп Латвия тыюу салган.

Тышкы саясат боюнча ведомствонун өкүлү эл аралык укуктук негиздери бар, андан сырткары, кара санатайлыкты жеңген ак ниеттүүлүктүн символдоруна тыюу салуу саясатта жасала турган тантыраган, маани-маңызы жок кадам деп белгиледи.

"Бул символдор идеология менен саясаттагылардын тар чөйрөнүн кызыкчылыгын көздөгөн концепцияларынын алкагына сыйбай эле жашап келе жатат. Бул символдор бирөөлөрдүн башкалардын тынчтыкта, бейпилдикте жашашы үчүн тарткан азаптарын чагылдырып берет. Улуу Жеңиштин бардык нерседен бийик турган идеясына тыюу салуу эч качан жана эч бир жерде эч кимдин колунан келбейт", — деп сөзүн жыйынтыктаган дипломат айым.

Латвиянын Сейми өлкөдө аталган тасманы коомчулукта расмий колдонууга тыюу салган. Улуу Ата Мекендик согуштун катышуучуларынын, блокадачылардын, тылдагылардын саны Балтика боюндагы бул өлкөдө 4 000ге чукулдап барат. Аталган кабар чагылгандай тез тарап, ал коомчулук менен медианын эл аралык деңгээлде кызуу талкуусун жаратты.

Ар жылы 9-майда Риганы бошотуучулар деп аталган эстеликтин алдына жүз миңдеген адам Жеңиш майрамын белгилөө үчүн чогулат.

"Георгий тасмасы" акциясы Улуу Ата Мекендик согуштагы Жеңишке арналган. Идеясы 2005-жылы РИА Новости агенттигинде "Студенттик жамаат" коомдук уюмунун катышуусу менен болгон иш-чарада пайда болгон. Андан бери бул акция бир гана Россияда белгиленбестен, эл аралык деңгээлге чыккан.

Муну менен катар эле Латвияда жыл сайын СС легионерлеринин — Нюрнберг трибуналы менен кылмыштуу топ деп таанылган уюмдун жүрүшү өтүп келет. Алар эл алдында нацисттердин сыйлыктары менен символикасын ачык тагынышат, ага депутаттар менен аткаминерлер катышкан учурлар болот. Бул жүрүштү дүйнөнүн көп өлкөлөрү, анын ичинен Россия да айыптап келет.

62
Белгилер:
Латвия, Георгий тасмасы, тыюу салуу, ТИМ
Тема боюнча
Медиа согушу. Симоньян RT ачкан немецтик YouTube каналдарынын жабылышы тууралуу
Пассажиры во время эвакуации граждан РФ и других стран из Афганистана в аэропорту Чкаловский в Московской области.

Россиянын учактары Афганистандан элди алып келүүгө кетти. Ичинде КР жарандары бар

1
(жаңыланган 10:00 01.12.2021)
Россия лидери Владимир Путиндин тапшырмасы менен коргоо министри Сергей Шойгу Афганистан аймагынан элди эвакуациялоо үчүн үчүнчү ирет учак жиберген.

БИШКЕК, 1-дек. — Sputnik. Россиянын аскердик-транспорттук үч учагы Афганистандан жарандарды эвакуациялап, гуманитардык жардам жеткирүү үчүн учуп кетти. Алардын бири Кабул шаарына барып конду деп билдирди РИА Новости.

"Россия лидери Владимир Путиндин тапшырмасы менен коргоо министри Сергей Шойгу Афганистан аймагына үчүнчү эвакуациялык иштерди уюштурду. Ал жактан Россиянын (380ден ашуун) жана ЖККУга мүчө болгон мамлекеттердин (Кыргызстан) жарандарын жана Россия аймагында окуп жаткан афганистандык студенттерди алып келет", — деп айтылган маалыматта.

Учактар Кабулга Подмосковьедеги Чкалов аэродромунан жөнөп кеткен.

Маалыматта россиялык аба кемелери афган элине эмне жардам алып барганы такталып жатканы жазылган.

1
Белгилер:
Афганистан, Россия, Кыргызстан, эвакуация, учак, гуманитардык жардам
Сахнадагы кыз. Архив

Балага эл алдында сүрдөбөй сүйлөөнү үйрөтүү керекпи? Психологдун пикири

27
Адис эч качан баланы кыйнап, бирөөлөрдүн алдында ырдатып-бийлетпеш керектигин айтат. Андан көрө өз эрки менен өнөрүн көрсөткөн учурда мактап, көңүлүн көтөрүп коюу зарыл.

БИШКЕК, 1-дек. — Sputnik. Балага кичине кезинен баштап эл алдына чыгып сүрдөбөй сүйлөөнү үйрөтүүнүн канчалык зарылдыгы бар? Бул тууралуу РИА Новости агенттигине маек берип жатып Россиянын билим берүү тармагындагы психологдор федерациясынын мүчөсү, педагог-психолог Юлия Челышева айтты.

Алгач адис балага эл алдына чыгып сүйлөөнүн кандай пайдасы бар экенин түшүндүрдү.

"Сүйлөп жаткан адам ар дайым жалгыз болот. Аны угуп жаткандардын бардыгы ага карама-каршы турат. Ошол кезде бала канчалык өзүнө ишенип, жакшы сезсе, кийин ошончолук төгөрөгү төп келген адам болуп чоңоёт. Ал эми айтаар сөзүн таппай калган, уялчаак болуп чоңойгон кишини кийин оңдоо өтө татаал", — деди Челышева.

Ошондой эле ал балага публика алдында сүйлөөнү кантип үйрөтсө болорун айтып берди.

"Эч качан наристени кыйнап, коноктордун көзүнчө ырдатып, бийлетпеш керек. Анткени адам көпчүлүк учурда бирөөнүн баасынан коркот, өзүнө жакпаган сөз угуп калса чүнчүйт. Андан көрө үй-бүлө мүчөлөрүнүн арасында сүйлөп, жакшы өнөрүн көрсөткөндө мактап, жакшы сөздөрдү айтып коюу зарыл", — деди психолог.

Адис сөзүнүн аягында бала уялчаак болсо, аны алгач жалгыз киши эмес, топ-топ болуп иштеген спорттук же башка ийримдерге катыштырган жакшы экенин айтат. Анткени ал жалгыз эмес, артында командасы бар экенин билгенде акырындык менен өзүнө болгон ишеними бекемдей баштайт.

27
Белгилер:
бала, психология, комплекс, уялчаактык, публика, сүрдөө
Тема боюнча
Балага акчаны туура колдонгонду кантип үйрөтсө болот? Адистердин кеңеши
Бала татуировка жасатып, чачын жашылга боёйм десе эмне кылуу керек. Адистин кеңеши