Медициналык кызматкерлер COVID-19дан жабыркаган адамдын сөөгү менен. Архив

Борбор Азия мартта кандай күнгө кабылат. ДССУнун COVID боюнча кооптуу божомолу

218
(жаңыланган 14:29 24.11.2021)
Бул күндөрү коронавирус Европа менен Борбор Азиядагы өлүмдүн себеби болууда. Эксперттер инфекциянын тез жайылышын шарттаган үч негизги себепти айтышты.

БИШКЕК, 24-ноя. — Sputnik. Европа менен Борбор Азияда 2022-жылдын март айында коронавирустан каза тапкандардын саны эки миллиондон көп болушу мүмкүн деген маалыматты Дүйнөлүк саламаттыкты сактоо (ДССУ) уюмунун Европа бюросу таратты.

"Европа пандемиянын капканында калды. Өткөн аптада COVID өмүрүн алып кеткен адамдардын саны күнүнө 4200гө чамалап барган учурлар болду. Бул сентябрь айына караганда эки эсеге арбыды. Жалпысынан алганда вирустан көз жумгандардын саны аймактын 53 мамлекетинде 1,5 миллион кишиден ашты. Бул күндөрү коронавирус Европа менен Борбор Азиядагы өлүмдүн бирден-бир себеби болууда", — деп айтылган маалыматта.

Эл аралык бул уюмдун берген маалыматына караганда, 2022-жылдын 1-мартына чейин аймактын 25 мамлекетинде оорулууларды жаткырган орундуктар боюнча болуп көрбөгөндөй тартыштык жаралат. Ал эми 49 мамлекетинде интенсивдүү терапия бөлүмдөрүнө күч келет. Келерки жылдын жаз айына, тагыраагы, мартка карата алдын ала божомол боюнча аталган оорудан көз жумгандардын саны 2,2 миллион адамдан ашат.

"Бул вирус менен жашап, күнүмдүк, кадыресе жашоону улантыш үчүн "вакцина плюс" ыкмасын колдонушубуз керек. Ал деген — вакциналардын стандарт дозаларын алуу, эгерде зарыл болсо вакцинаны дагы кайра сайдыруу. Буга кошумча күнүмдүк турмушта ооруну алдын алган чараларды көрүү: бет кап кийүү, колду жууп туруу, имаратты желдетүү жана кишилердин бири-биринен оолак болуусу", — деген Дүйнөлүк саламаттыкты сактоо уюмунун Европа аймагы боюнча бюросунун башчысы Ханс Клюге.

ДССУнун эксперттери инфекциянын тез жайылышын шарттаган төмөнкү үч негизги себепти айтып беришти:

  • Европаны чөгөлөтүп, тез тарап жаткан "дельта" штаммы,
  • Чектөө чаралары бошоңдоп, элдин мейманчылап, тагыраагы, "жайылып" кетиши;
  • COVID-19га каршы эмделгендердин санынын көбөйбөй жатышы.

Эксперттер аймактын өлкөлөрүндөгү саламаттыкты сактоо системасын "жогорку же экстремалдуу күч келген учур" күтүп жаткандыгын айтат. Алар элди эмделүүгө, керек болсо вакцинаны кайталап алууга, оорудан сактануу эрежелерин бекем карманууга чакырууда. Бет кап кийүү, колду жууп туруу, имаратты желдетүү жана кишилердин бири-биринен оолак болуу тартибин сактоо көп күчтү деле талап кылбастыгын улам-улам эскертип жатышат.

218
Белгилер:
Европа, Борбордук Азия, Дүйнөлүк саламаттыкты сактоо уюму, коронавирус, өлүм
Тема:
Дүйнөгө жайылган коронавирус (1615)
Тема боюнча
Россиянын окумуштуулары COVID-19ду ооздуктаган биологиялык кошулма иштеп чыкты
ДССУ: Европада февралда COVID-19дан жарым миллион киши өлүшү мүмкүн

Антарктидада Күн тутулуп, айлананы караңгылык каптаган видео

90
(жаңыланган 13:27 06.12.2021)
Түштүк уюлдун бардык аймагы Күн тутулганда эки мүнөт караңгылыкта калды. Астрономиялык сейрек көрүнүштү "Юнион Глейшер" илимий станциясы Эллсворттон видеого тартып алган.

Күн тутулган процессти толугу менен Антарктидадан гана көрүүгө болот. Ай континенттин үстүнөн жергиликтүү убакыт боюнча Күнгө саат 04:00дө кирип, толугу менен аны 04:33тө жаап калган.

Эске салсак, кыргызстандыктар өзгөчө астрономиялык кубулушка күбө болуп, Күндүн тутулушун көрүү мүмкүнчүлүгүнө 2020-жылы жай айында күбө болгон.

90
Белгилер:
Антарктида, күндүн тутулушу, видео
Тема боюнча
NASA 2017-жылдын эң популярдуу ирмемдерин жарыялады
Спирттик ичимдик кармаган киши. Архивдик сүрөт

Кайсы өлкөнүн эли спирт ичимдигине өтө эле жакын? Изилдөө

290
(жаңыланган 13:47 06.12.2021)
Бардык мамлекеттерде тең эркектерге караганда аялдар ичкенден кийин бармак тиштеп калары айтылды.

БИШКЕК, 6-дек. — Sputnik. Австралиялыктар дүйнөдө спирт ичимдигин эң көп ичкен улутка кирет. Бул тууралуу ичимдик жана баңгизат боюнча глобалдык изилдөөнүн жыйынтыгына таянып, РИА Новости жазды.

Докладда айтылгандай, Австралия тургундары башка мамлекеттердин жарандарына салыштырмалуу ичимдикке жакын келет. Алардын катарында Дания менен Финляндия эли да бар. Изилдөөгө алынган мамлекеттердин баарында аялдарга караганда эркектер көп мас болору айтылган.

"Австралиялыктар жумасына эки ирет ичет. Бул жылына 106 күн болуп эсептелет. Мындай көрсөткүч боюнча Франция алдыда. Аларда жылына 132 жолу ичимдик ичилсе, экинчи жана үчүнчү орунда Жаңы Зеландия жана Нидерланддар турат", — деп жазылат маалыматта.

Мас болуп соолуккандан кийин көп учурда ирландиялыктар, поляктар жана жаңы зеландиялыктар өкүнүп калары айтылды. Ошондой эле бардык мамлекеттерде тең эркектерге караганда аялдар ичкен соң бармак тиштеп калары маалым болду.

290
Белгилер:
ичимдик, изилдөө, Европа, аял, эркек, салыштыруу
Тема боюнча
Айдаралиев: алты жылда спирт ичимдиктерин өндүрүү алты эсе кыскарган
1-июлдан тарта спирт ичимдиги менен чылым милдеттүү түрдө маркаланат
Милиция кызматкерин фуражкасы. Архив

Бишкектин Октябрь райондук милиция кызматкери издөөгө алынды. Сүрөт

0
(жаңыланган 19:40 06.12.2021)
УКМКга кайрылган жаран милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген.

БИШКЕК, 6-дек. — Sputnik. Улуттук коопсуздук мамлекеттик комитети Бишкек шаарынын Октябрь райондук ички иштер башкармалыгынын кызматкерине издөө жарыялады. Бул тууралуу УКМКнын маалымат кызматы билдирди.

С.Р. аттуу милиционер алдамчылыкка шектелүүдө.

  • Объявленный в розыск милиционер Октябрьского УВД. 06 декабря 2021 года
    Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген
    © Фото / пресс-служба ГКНБ КР
  • Объявленный в розыск милиционер Октябрьского УВД. 06 декабря 2021 года
    Тартип коргоо органынын өкүлү ар кандай шылтоолор менен ал каражатты кайтарып бербей жаткандыгы тууралуу арыз жазган
    © Фото / пресс-служба ГКНБ КР
1 / 2
© Фото / пресс-служба ГКНБ КР
Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген

Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген. Тартип коргоо органынын өкүлү ар кандай шылтоолор менен ал каражатты кайтарып бербей жаткандыгы тууралуу арыз жазган.

"Бул факт боюнча УКМК тарабынан Кылмыш-жаза кодексинин 209-беренесинин 4-бөлүгүнүн 1-пункту жана 4-пункту ("Кызматтык абалынан пайдаланып өзгөчө ири өлчөмдө жасалган алдамчылык") менен сотко чейинки өндүрүш иши башталган. С.Р. издөөгө алынып, Бишкек шаарынын Биринчи май райондук соту тарабынан камакка алуу түрүндөгү бөгөт чарасы (сыртынан) тандалды. Азыркы учурда тергөө иштери жүрүп жатат", — деп айтылат билдирүүдө.

Атайын кызмат бул адамдан жабыркаган жарандар болсо (0312) 66-04-75 нөөмөт кызматынын телефонуна, 0702233243 WhatsApp номерине, ошондой эле күнү-түнү иштеген аймактык башкармалыктарга (ишеним телефондору) кайрылууну өтүнөт:

  • Чүй облусу: (0312) 54-07 19:
  • Жалал-Абад облусу: (03722) 5-60-49;
  • Ош облусу: (03222) 2-30-78;
  • Ысык-Көл облусу: (03922) 5-11-80;
  • Талас облусу: (03422) 5-20-43;
  • Нарын облусу: (03522) 5-08-49;
  • Баткен облусу: (03622) 5-00-33.
0
Белгилер:
УКМК, милиция, алдамчылык, шектүү, издөө
Тема боюнча
ИИМ: Москвада ишкерлерди 33 миң долларга алдап, таптырбай жүргөн киши кармалды
УКМК салыкчылар менен Транспорт министрлигинин кызматкерлерин кармады