АКШ президенти Жо Байдендин архивдик сүрөтү

Байдендин ичегисинен ракка алып келет делген өсүндүнү алып салышты

47
(жаңыланган 10:16 25.11.2021)
Операция жана андан кийинки калыбына келүү учурунда Байден өлкө башчылык милдетин вице-президент Камала Харриске өткөрүп берди.

БИШКЕК, 25-ноя. — Sputnik. АКШ президенти Жо Байденге операция жасалып, медиктер анын организминен залалсыз түтүктүү аденома өсүндүсүн кесип алып салышты. Адистер өсүндү өзү зыянсыз болгону менен келечекте рак клеткаларын пайда кылышы мүмкүн экенин болжолдоп жатышкан. Бул тууралуу Ак үйдүн дарыгери Кевин О'Коннорго шилтеме берип РИА Новости жазды.

"Президент Байдендин ичегисинен үч миллиметрлик өсүндүнү алып салдык. Дал ушундай операция ага 2008-жылы дагы жасалыптыр. Негизи бул өсүндү залалсыз. Бирок медицинада ал келечекте рак клеткаларын пайда кылышы мүмкүн экени айтылат. Азыр ага эч бир кошумча операциянын кереги жок", — деди О'Коннор.

Белгилей кетсек, АКШ лидери өткөн аптада 79 жашка чыкты.

Операция жана андан кийинки калыбына келүү учурунда Байден өлкө башчылык милдетин вице-президент Камала Харриске өткөрүп берген.

47
Белгилер:
АКШ, президент, Жо Байден, операция
Тема боюнча
ЖМК: Байден экинчи ирет президент болууга ниеттенип жатат
Байдендин дарыгери президенттин жөтөлү күчөп, басканы начарлаганын айтты
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

16
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

16
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Пассажиры на одной из станций Московского метрополитена.

Москва метросунун жүргүнчүлөрү Кыргызстан менен КМШ өлкөлөрүнө көп чалышат

104
Россиянын борбор калаасындагы метро жүргүнчүлөрү КМШ өлкөлөрүнө чалганда 35 секунддун тегерегинде гана сүйлөшөрү аныкталган.

БИШКЕК, 30-ноя. — Sputnik. Москва метросунун жүргүнчүлөрү көбүнчө Өзбекстан, Армения, Кыргызстан, Беларусь жана Словенияга телефон чалышат. Бул тууралуу МТС компаниясынын иликтөөсүнүн жыйынтыгына шилтеме берип РИА Новости жазды.

Маалыматка караганда, роуминг аркылуу эл аралык чалуулардын 90 пайзы дал ушул мамлекеттерге туура келет.

"МТС компаниясынын уюлдук байланыш боюнча кызматын пайдалангандар метродо жүргөндө көбүнесе Өзбекстан, Армения, Кыргызстан, Беларусь жана Словенияга чалышат. Алыскы чет өлкөлөр тууралуу айта турган болсок, метродо жүргөндөр Болгария, Греция, Италия, Түркия, Кипр сыяктуу өлкөлөрдөгү жакындары менен байланышат", — деп айтылат билдирүүдө.

Метро жүргүнчүлөрү Россиянын ичинен кимдир бирөө менен байланышса, сөз орто эсеп менен 1,5 мүнөткө созулат. Ал эми КМШ өлкөлөрүнө чалгандар 35 секунддун тегерегинде гана сүйлөшөт.

104
Белгилер:
Россия, Москва, Кыргызстан, телефон, чалуу
Тема боюнча
Москвада мигранттардын санын дагы кыскартуу пландалып жатат
Жогорку Кеңештин жыйын залы. Архив

Эртең Жогорку Кеңеш үч депутаттын кол тийбестигин алуу маселесин карайт

0
(жаңыланган 17:19 30.11.2021)
27-ноябрда дагы эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

БИШКЕК, 30-ноя. — Sputnik. Жогорку Кеңештин депутаттары эртең, шаршемби күнү, жыйынга чогулат. Бул тууралуу маалымат парламенттин сайтына жүктөлдү.

Жыйын саат 10:00дө башталат. Күн тартибине ЖК депутаттары Асылбек Жээнбековду, Төрөбай Зулпукаровду, Бакыт Жетигеновду кол тийбестик укугунан ажыратуу маселеси киргизилген. Башкы прокурор Курманкул Зулушев аталган эл өкүлдөрүн кылмыш жоопкерчилигине тартууга макулдук берүүнү сураган. Анын сунуштамасын кароо үчүн атайын депутаттык комиссия түзүлөт.

Мындан башка дагы 10го чукул мыйзам долбоорлору каралары күтүлүүдө.

Буга чейин 27-ноябрда дагы эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

Белгилей кетсек, Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында. Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

0
Белгилер:
Жогорку Кеңеш, жыйын, шайлоо, кол тийбестик
Тема боюнча
Атамды тынч койгула! Жапаров ага акаарат келтирген жарандарга жооп берди