Кыргызстанга жалпы эреже менен машина алып кирүү канча турат. Калькулятор

959
Биздин калькулятордун жардамы менен Кыргызстанга ЕАЭБдин жалпы эрежелеринин негизинде автокөлүк алып кирүү канча турарын эсептеп алсаңыз болот.

Биз сунуштаган ыңгайлуу калькулятор үчүнчү өлкөлөрдөн келген жеңил автоунаалардын өлкө ичине алып киришине канча акча кете тургандыгын эсептеп берет. Баса, буга электромобилдер кошулбайт.

Декларация толтурууда бажы төлөмүн жалпы схема менен эсептеп чыгыш үчүн автокөлүктүн чыккан жылын, евро акчасы менен баасын жана кыймылдаткычтын кубатын куб сантиметр менен киргизиш керек.

Эске сала турган нерсе – жыйынтык евро менен чыгат.

Бажыдан жалпы эрежелер менен өткөрүү үчүн ЕАЭБдин Бажы кодексинин 108-беренесинде көрсөтүлгөн төмөнкү документтерди көрсөтүү зарыл:

  • Автоунааны саткан-сатып алган келишими;
  • транспорттун паспорту;
  • ташып келүү боюнча келишим;
  • камсыздандыруу келишими;
  • анын кайда жасалганын тастыктаган документтер.

Мындан сырткары, бажы алымы ЕАЭБдин Бирдиктүү бажы тарифи менен бекитилген ставка боюнча эсептелет. Анын суммасы автоунаанын чыккан жылына карата эсептелет. Транспорт канчалык жаңы болсо, алым ошончолук аз болот:

  • 2018-2020-жылдары чыккан машиналар жаңы деген категорияга кирет. Алардын бажы алымынын 10-15 пайызы кыймылдаткычтын көлөмүнө карата алынат;
  • 2017-2015-жылдары чыккан автоунаалар төмөнкү алгоритм боюнча саналат: анын баасынын 20 пайызын же 0,36дан 0,80ге чейинки еврону кыймылдаткычтын көлөмүнө көбөйтүш керек. Эки варианттын ичинен көбүрөөк чыкканы бажы алымы болуп эсептелет.
  • 2014-жылы чыккан жана андан эски автоунаалардын бажы алымы 1 куб сантиметрге 1,4төн 3,2 еврого чейин эсептелет.

Бажы алымына автотранспорттун бажылык баасынын 12 пайыз көлөмүндөгү кошумча нарк салыгы кошулат.

959
Белгилер:
калькулятор, автоунаа, бажы, Евразиялык экономикалык биримдик, Кыргызстан
Тема боюнча
Кыргызстандагы өтүмдүү унаалардын азыркы баасы. Инфографика
Бишкектеги такси кызматы. Баалары, телефондору жана WhatsApp

Бишкектеги батирлер канча турат? Ноябрь айындагы баалар

213
Окурманга ыңгайлуу болушу үчүн биз бир, эки жана үч бөлмөлүү турак жайлардын ар кандай түрүнүн орточо наркын көрсөттүк.

Sputnik Кыргызстан маалымат агенттиги ай сайын Бишкек шаарындагы 104, 105, 106-сериялардагы, "хрущевка" жана жеке типтеги батирлердин сатылган бааларына байкоо жүргүзүп келет.

Бул материалды даярдоодо 3 891 жарыя иликтөөгө алынган. Ачык маалыматтардагы бааларга ылайык, бир бөлмөлүү батирдин орточо наркы ноябрь айында төмөнкүнү көрсөттү:

  • 104-серия — 30 200 доллар (23 000ден 35 500 долларга чейин);
  • 105-серия— 29 300 (21 500дөн 40 000ге чейин);
  • 106-серия —32 500 (23 500дөн 44 000ге чейин);
  • "хрущевкалар" — 26 600 (21 500дөн 36 500гө чейин);
  • жеке типтеги батирлер — 29 200 (14 000ден 56 500гө чейин).

Эки бөлмөлүү батирлердин орточо наркы:

  • 104-серия — 36 500 доллар (29 000ден 46 000 долларга чейин);
  • 105-серия— 42 000 (30 000ден 54 500гө чейин);
  • 106-серия — 44 000 (27 500дөн 65 500гө чейин);
  • "хрущевкалар" — 33 600 (26 500дөн 48 500гө чейин);
  • жеке типтеги батирлер — 41 300 (18 500дөн 90 000ге чейин).

Үч бөлмөлүү батирлердин орточо наркы:

  • 104-серия — 44 300 доллар (35 000ден 61 500 долларга чейин);
  • 105-серия— 53 100 (32 500дөн 86 500гө чейин);
  • 106-серия — 56 500 (39 500дөн 76 500гө чейин);
  • "хрущевкалар" — 41 200 (27 500дөн 51 500гө чейин);
  • жеке типтеги батирлер — 56 300 (27 500дөн 157 000ге чейин).
213
Белгилер:
нарк, сатуу-сатып алуу, сатуу, батир, турак-жай, Бишкек, Кыргызстан
Тема боюнча
Бишкек менен Ошто ижарага берилчү батирлердин ушул аптадагы баасы. Инфографика

Евронун өсүшү менен Кыргызстанда кымбаттай турган 10 товар. Тизме

373
КРде ноябрда евронун баасы 100 сомдон ашты. Декабрда да анын наркы өсүүсүн токтото элек. Мунун Европа мамлекеттеринен келген товарлардын баасына кандай таасир этерин Sputnik инфографикасынан көрүңүз.
Валюта рыногундагы олку-солкулуктан КРде Европа товарлары кандай кымбаттайт

3-декабрь эртең менен бир евронун баасы 102,17 сом болду. Валюта рыногундагы олку-солкулуктан КРде Европа товарлары кандай кымбатташы мүмкүн. Бул тууралуу Sputnik редакциясынын журналисттери Улуттук статистика комитетиндеги маалыматты карап иликтеп көрдү.

Ал үчүн Кыргызстанга алып келинген товарлардын эң популярдуу 10 түрү көрсөтүлдү. Материалга товардын республикага алып киргендеги дүң баасы берилди.

Европадан Кыргызстанга дары-дармек көп алып келинет. Ушул жылдын тогуз ай ичинде эле 24 миллион еврого товар кирген. Мурда анын килограммына 5,3 миң сом төлөнсө, эми бул көрсөткүч 6 641 сомго жетет.

Ошондой эле биз санаган ондукка тамакка жана башка нерселерге ароматизаторлор, өндүрүштө колдонулган заттар, медициналык жабдуулар, нефть азыктары, жеңил автокөлүктөр, автоунаа жана жабдуулардын бөлүктөрү, вакцина, кан сывороткалары жана кан кирет.

373
Белгилер:
импорт, евро, Европа, Кыргызстан
Тема боюнча
Улуттук банк доллар курсун ооздуктоо үчүн 3 күн катары менен интервенция жасады
Өлкөдө жыл башынан бери кымбаттаган жана арзандаган азыктардын тизмеси
COVID-19 каршы вакцинация өткөрүү. Архивдик сүрөт

Москвада адамдарды коронавируска каршы эмдөө башталды

0
(жаңыланган 13:32 05.12.2020)
Азырынча эмдөөдөн саламаттык сактоо тармагында жана шаардык социалдык кызматтарда иштегендер өтө алат.

БИШКЕК, 5-дек. — Sputnik. Москвада чоңдордун бейтапканасында коронавируска каршы вакцинациялоо кабинети иштей баштады. Бул туурасында РИА Новости билдирди. 

Учурда 70 кабинет элди кабыл алып жатат, жыл соңуна чейин дагы 100 бөлмө ачылары айтылат. Медиктер жарандарды эртең мененки саат 8:00дөн 20:00гө чейин кабыл алат.

Азырынча эмдөөдөн тобокелчилик тобундагы адамдар — билим берүү, саламаттык сактоо тармагында жана шаардык социалдык кызматтарда иштегендер өтө алат.  Ал үчүн mos.ru сайты аркылуу алдын ала (эки жума мурун) кезекке жазылуу керек.

18ден 60 жашка чейинки курактагы, өнөкөт оорулары жок, мурда коронавирустун вакцинасын клиникалык изилдөөгө катышпаган, соңку 30 күндүн аралыгында эмделбеген, курч респиратордук оорулар менен оорубаган москвалыктар вакцина ала алат. Ал эми кош бойлуу жана бала эмизген аялдарга колдонууга болбойт.

Алар Гамалея борборунда иштелип чыккан "Спутник V" вакцинасы менен эмдөөдөн өтүшөт. Препараттын негизги артыкчылыгы коопсуз, майнаптуу жана узакка созулган терс кесепети жок ыкмаларсыз жасалгандыгында экендигин айтышкан.

Россияда азыркы тапта "Спутник V" препараты эки миллиондон ашуун дозада чыгарылган. Эмдөө кеңейтилип отуруп Москванын бардык тургундарына жасалат.

Вице-премьер Татьяна Голикова кийинки жуманын аягында Россиянын бардык региондорунда вакцинация башталарын билдирген.

0
Тема:
Дүйнөгө жайылган коронавирус
Тема боюнча
Коронавирус G20 саммитин бузду. Батыш башканын вакцинасын батырбайт
Сурабалдиева: Россиядан COVID-19га каршы вакцинаны алып келүү графиги даяр
Адис COVID-19га каршы вакцина организмди канчалык коргой аларын айтты