Бишкектеги президент Сооронбай Жээнбековке каршы митинг

Токтобогон митингдер. Бишкектеги абал боюнча онлайн-репортаж

1000
(жаңыланган 21:48 15.10.2020)
Бүгүн, 15-октябрда, митингчилер мамлекеттик резиденцияга жакын жайгашкан, Бишкектин түштүк жагындагы "Ысык-Көл" мейманканасынын жанына чогула баштады.

Акцияга чыккандар президент Сооронбай Жээнбековдун кызматтан кетишин талап кылып, "Ала-Арча" мамлекеттик резиденциясына барууну пландап жатат.

Кечээ, 14-октябрда, Жогорку Кеңеш премьер-министрликке Садыр Жапаровдун талапкерлигин колдоп, аны президент Сооронбай Жээнбеков бекиткен. Андан соң Жапаров анын президенттиктен кетиши боюнча сүйлөшүүлөрдү баштаган. Кечээ Жапаров тарапташтарынын алдына чыгып, Жээнбековго кызматтан кетүүнү сунуштай тургандыгын айтып, элдин тынчтыкты сактап турушун суранган.

Ал эми мамлекет башчынын маалымат кызматы Жээнбеков парламенттик шайлоону өткөргөн соң кызматын тапшыра тургандыгын билдирди.

Бишкекте болуп жаткан окуялар, митингдерден алынган маалыматтар тууралуу Sputnik Кыргызстандын тексттик баяндамасынан окуп туруңуздар.

Жаңы билдирүү
  • 21:48

    Sputnik Кыргызстан агенттигинин окурмандарга эскертүүсү, кабарлоосу

  • 21:44
  • 21:41

    Бишкекте митингге чыккандар эртең да чогулмай болушту

    Эски аянтта жайгашкан Өкмөт үйүнүн алдында парламенттин таркатылышын талап кылган элдин акырындап тарай баштады.

    Бирок митингдин уюштуруучулары элди эртең, 16-октябрда, саат 10:00дө эски аянтта кайра чогулууга чакырышты.

     

     

    Митингующие у Дома правительства на Старой площади в Бишкеке, которые выступают за роспуск парламента
    © Sputnik / Эркин Садыков
  • 21:25

    2020-жылдын 15-октябры Кыргызстандын саясий турмушундагы тарыхый даталардын бири болуп калды. Элдин талабынан улам президент Сооронбай Жээнбеков кызматынан кетти. Ал арада мандатка кайра ээ болуп, мурда абакта отурган Өмүрбек Текебаев парламентке келди. Эми ал ЖКнын VI чакырылышын жыйынтыктамай болуп турат. Жээнбеков кызматтан кеткенин айткандан кийин Садыр Жапаровдун тарапташтары Жогорку Кеңештин тарап кетишин, анын спикери Канат Исаевдин кызматын тапшырып берүү талабын коюшту. ЖК төрагасы президенттик милдетти аткаруудан баш тартып, Кыргызстандагы эки чылбыр, бир тизгин Садыр Жапаровдун колуна тийди.  

    Новоизбранный спикер ЖК, лидер партии Кыргызстан Канат Исаев в госрезиденции во время внеочередного заседания Жогорку Кенеша. 13 октября 2020 года

    Канат Исаев президенттин милдетин аткаруудан баш тартты

    Бүгүн, 15-октябрь күнү, өлкө башчы Сооронбай Жээнбеков отставкага кете турганын жар салган. Мыйзам боюнча анын милдетин Жогорку Кеңештин төрагасы, эгер болбосо премьер-министр аткарат.
    Дагы
  • 17:58
    Президент КР Сооронбай Жээнбеков во время выступления на церемонии празднования 29-й годовщины независимости КР на площади Ала-Тоо в Бишкеке

    61 жаш. Кыргызстандын президенттери кантип кеткен?

    Кыргызстан көз карандысыздыкты алгандан бери беш президент алмашты, эң кызыгы, бардыгы 61 жашында кызматтан кетти. Бүгүн президент Сооронбай Жээнбеков да өз арызынын негизинде 61 жаш курагында отставкага кетерин жар салды.
    Дагы
  • 17:34

    Өрттөнгөн Ак үйдүн жетинчи кабаты. Видео

    Видеону ЖКнын маалымат кызматынан мурдагы жетекчиси Ибраим Нуракун уулу социалдык тармактагы баракчасына жүктөгөн.

  • 17:07
  • 17:03

    Абакта жаткан Тилек Матраимов үй камагына чыкты

    Кара-Суу районунун акими Тилек Матраимов үй камагына чыкты. Бул туурасында Ош облустук сотунун маалымат кызматы тастыктады.

    Ага ылайык, Матраимов облустук сотко апелляциялык арыз менен кайрылган. Натыйжада 13-октябрь күнү Матраимовдун баш коргоо чарасы өзгөртүлүп, үй камагына чыгаруу чечими кабыл алынган.

     

     

  • 16:30
     Военнослужащие авиабазы ОДКБ Кант провели контртеррористические учения на территории военного объекта

    Sputnik Канттагы базага Россия аскерлери келгени тууралуу маалымат жазган эмес. Тактоо

    Башкы редактор кандай максат менен фейк маалымат тарап жатканы белгисиз экенин кошумчалады.
    Дагы
  • 16:15

    Облусту, өкмөттү, өлкөнү башкарып... Жээнбеков акыркы үч жылда кандай өзгөрдү

    Президент Сооронбай Жээнбеков 2017-жылы 15-октябрда өткөн шайлоодо калк добушунун 54,22 пайызына ээ болуп, өлкө башчысы болуп шайланган. Sputnik Кыргызстан мамлекет башчысы акыркы үч жылда кандай өзгөргөндүгүнө кызыгып көрдү.
    Дагы
  • 15:52

    Депутаттар эртең Жээнбековдун оставкасын карайт

    16-октябрда Жогорку Кеңештин депутаттары Сооронбай Жээнбековдун отставкасы боюнча маселени карай турганы маалым болду. Ал саат 10:00дө "Ала-Арча" мамлекеттик резиденциясында өтмөкчү.

  • 15:29
  • 15:06
    Конституция Кыргызской Республики в государственной резиденции Ала-Арча в Бишкеке

    Жээнбеков отставкага кетти, эми өлкөнү ким башкарат? Баш мыйзамдагы жобо

    Мыйзамга ылайык, президенттин кетиши менен өлкөнү Жогорку Кеңештин төрагасы Канат Исаев башкарып калышы ыктымал.
    Дагы
  • 14:54
  • 14:51

    "Ысык-Көл" мейманканасынын алдындагылар Жээнбековдун отставкасынын далилин сурап жатат

  • 14:49

    "Ысык-Көл" мейманканасынын алдындагылар Канат Исаевдин ал жерге келишин жана спикерликтер кетишин талап кылууда

  • 14:42
    Сотрудники спецназа у гостиницы Иссы-Куль во время митинга за отставку президента Сооронбая Жээнбекова в Бишкеке. 15 октября 2020 года
    © Sputnik / Эркин Алымбеков
    Сотрудники спецназа у гостиницы Иссы-Куль во время митинга за отставку президента Сооронбая Жээнбекова в Бишкеке. 15 октября 2020 года
    © Sputnik / Эркин Алымбеков
    Сотрудники спецназа у гостиницы Иссы-Куль во время митинга за отставку президента Сооронбая Жээнбекова в Бишкеке. 15 октября 2020 года
    © Sputnik / Эркин Алымбеков
    Сотрудники спецназа у гостиницы Иссык-Куль во время митинга за отставку президента Сооронбая Жээнбекова в Бишкеке. 15 октября 2020 года
    © Sputnik / Эркин Алымбеков

    "Ала-Арча" резиденциясынын жанындагы аскерлер

  • 14:28
  • 14:20

    Президент Сооронбай Жээнбековдун кыргызстандыктарга кайрылуусу

    Президент Сооронбай Жээнбеков: Мен үчүн өлкөбүздүн тынчтыгы, элибиздин бүтүндүгү, коомубуздун ынтымагы кызмат ордунан бийик. Ар бир мекендешимдин өмүрү — баарынан кымбат.

    Кыргыз Республикасынын Президенти Сооронбай Жээнбеков бүгүн, 15-октябрда, өлкөдөгү коомдук-саясий абалга байланыштуу кыргызстандыктарга кайрылуу жасады.

    Мамлекет башчысынын кайрылуусу:

    «Урматтуу мекендештерим!

    Борборубуз Бишкектеги коомдук-саясий абал курч бойдон турганын көрүп турасыздар.

    Аны басаңдатуу максаты менен кечээ Жогорку Кеңеш Өкмөттүн курамын бекитип, тиешелүү дайындоолор боюнча мен Жарлык чыгарып, кол коюп бердим.

    Тилекке каршы, агрессия дагы эле токтобой,  менин токтоосуз отставкамды талап кылышууда.

    Азыркы кырдаал эки тараптуу кагылышуунун   болуусуна жакындап калды. 

    Бир жагында митингге чыккандар, бир жагында күч органдары турат.

    Эки тарап кагылышса, кан төгүлүп кетет. 

    Мамлекеттик резиденцияны коргоо үчүн аскер кызматкерлери, күч органдары курал колдонууга милдеттүү.

    Эки тарапты тең провокацияга барбоого чакырам.

    Урматтуу мекендештерим!

    Мен бийликке тырмышып калган жокмун.

    Мен үчүн, өлкөбүздүн тынчтыгы, элибиздин бүтүндүгү, коомубуздун ынтымагы баардык кызмат ордунан бийик.

    Мен үчүн ар бир жараныбыздын ден соолугу, ар бир мекендешимдин өмүрү — баарынан кымбат.

    Мен Кыргызстандын тарыхында кан төгүп кеткен, өз жарандарына каршы ок аткан Президент катары калгым келбейт.

    Ошондуктан мен отставкага кетүү чечимин кабыл алдым.

    Эми Жапаровду жана башка саясатчыларды өз тарапкерлерин тынч жол менен таратууга чакырам.

    Элдин тынчтыгыгына, өлкөбүздүн бүтүндүгүнө доо кетирбегиле.

    Жараткан Кудайым Өзү колдоп, элибизде  аманчылык, жергебизде тынчтык болсун!»

     

     

    Президент Кыргызстана Сооронбай Жээнбеков
    © Пресс-служба президента КР / Султан Досалиев
  • 14:16

    Депутат Талант Мамытов трибунага чыкты

    Эл "Садыр" деп кыйкырууда. 

  • 14:12

    Чогулган эл эми Жогорку Кеңештин тарашын талап кылып, кыйкырууда

    Элдин азыр эмнени сүйлөп жатканы так угулбай, микрофон талашкандар көп болууда. 

  • 14:09

    Эл "Садыр" деп ураан чакырып жатат

  • 14:07

    Эл Сооронбай Жээнбековдун отставкага кеткендигин кыйкырык-чуу, кол чабуу, ышкыруулар менен кабыл алды

    Сыймык Жапыкеев чыркап келип элге жарыялады, ала арада ага чейин уккандар кыйкырып жатышты. 

    Кимдир бирөөлөр "Ысык-Көл" мейманканасынын үстүнкү кабатынан Крыгызстандын туусун булгалап жатты. 

     

  • 14:03

    Сооронбай Жээнбековдун отставкага кеткендиги маалым болду

  • 13:57

    Ал арада Камчыбек Ташиев Садыр Жапаров учурда президент менен сүйлөшүүлөрдү жүргүзүп жаткандыгын социалдык тармакка жазды

    Урматтуу эл журт! Митингге катышууга келген жарандарга кайрылуу! Мамлекетибиздин биримдиги жана тынчтыгы учун...

    Опубликовано Камчыбеком Ташиевым Четверг, 15 октября 2020 г.

    Буга чейин Садыр Жапаровдун маалымат катчысы премьер-министрдин Жээнбеков менен жолукпай калгандыгын билдирген эле. 

  • 13:48

    Сыймык Жапыкеев элди саат 15:00гө чейин күтүп туруу зарылдыгын айтты

    "Чоң казат" партиясынын өкүлү Сыймык Жапыкеев элди саат 15:00гө чейин күтүп туруу зарылдыгын айтты.

    "Бир аз чыдап, көлөкөлөп отуруп туруңуздар", - деп суранды. 

     

  • 13:47

    "Ысык-Көл" мейманканасына дагы үч автобус келди. Ошондо, эртең мененкилерин кошкондо баш-аягы сегиз автобус келгендигин анык болду.

  • 13:34
    Занимающий пост премьер-министра Садыр Жапаров на внеочередноем заседании Жогорку Кенеша в госрезиденции Ала-Арча

    Садыр Жапаров Сооронбай Жээнбеков менен жолуга элек. Себеби

    Кечээ Жапаров тарапташтарынын алдына чыгып, президенттин отставкасы тууралуу сүйлөшүү аягына чыкпаганын, Жээнбеков менен бүгүн дагы жолугарын билдирген.
    Дагы
  • 13:33

    "Ысык-Көл" мейманканасынан алдына ичиндеги кишилери менен дагы бир автобус келип токтоду

  • 13:31

    Сыймык Жапыкеев чогулган элди тынчтанууга, сүйлөшүүлөрдүн жыйынтыгын күтүп турууга чакырууда

     "Чоң казат" партиясынын өкүлү Сыймык Жапыкеев "Ысык-Көл" мейманканасынан алдына чогулган элди тынчтанууга, резиденцияны көздөй барбай турууга чакырууда. Ал тургандарга "алтындарым" деп кайрылып, сабыр кылып турууну суранды. 

  • 13:22

    "Ысык-Көл" мейманканасынан алынган сүрөттөр

    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Табылды Кадырбеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Табылды Кадырбеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Табылды Кадырбеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Табылды Кадырбеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Табылды Кадырбеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Табылды Кадырбеков
  • 13:07

    Депутат Талант Мамытов премьер-министр Садыр Жапаровдун ооруп калгандыгын, бирок Жээнбеков менен сүйлөшүүдө экендигин айтты

    "Ал ооруп калыптыр. Учурда "Ала-Арча" мамлекеттик резиденциясында сүйлөшүүлөрдү жүргүзүп жатат. Эртең менен өкмөт үйүнө барып ал жерден тапкан жокмун. Туугандарынын үйүндө экен. Ага бийлик тараптан сүйлөшүү процесстерине даяр экендиктерин айтып, чакырышты. Садыр жапаров мага элге барып, абалды түшүндүрүп, элди токтотуп турууну суранды", - деди Мамытов. 

  • 13:05

    Өкмөт үйүнүн алдындагы көрүнүш

    Митингующие за отставку президента Сооронбая Жээнбекова возле автобусов у дома правительства в Бишкеке . 15 октября 2020 года
    © Sputnik / Эркин Садыков
    Митингующие за отставку президента Сооронбая Жээнбекова возле автобусов у дома правительства в Бишкеке . 15 октября 2020 года
    © Sputnik / Эркин Садыков
    Митингующие за отставку президента Сооронбая Жээнбекова возле автобусов у дома правительства в Бишкеке . 15 октября 2020 года
    © Sputnik / Эркин Садыков
    Митингующие за отставку президента Сооронбая Жээнбекова возле автобусов у дома правительства в Бишкеке . 15 октября 2020 года
    © Sputnik / Эркин Садыков
  • 13:04

    "Ысык-Көл" мейманканасынын аймагына келгендердин саны улам арбууда

  • 13:01
  • 12:57

    "Ысык-Көл" мейманканасындагы сүйлөгөндөр Жээнбековдун, ЖК депутаттарынын, спикер Канат Исаевдин кызматтан кетишин талап кылууда

  • 12:55

    "Ысык-Көл" мейманканасындагы чогулган элге депутат Талант Мамытов келди

    Мамытов учурда резиденцияда президент менен сүйлөшүүлөр жүрүп жаткандыгын жана элдин резиденцияга барбай, тынчтыкты сактап туруусун суранды.  

  • 12:40

    УКМК интернетке президент Жээнбековдун сүйлөшүүсү деп тараган аудио боюнча билдирүү таратты

    Президент Сооронбай Жээнбековдун белгисиз бир адам менен сүйлөшкөнү тууралуу социалдык тармакта тараган аудиожазуу боюнча Улуттук коопсуздук мамлекеттик комитети билдирүү таратты.

    УКМК аталган аудиожазмага жана анын тарашына эч кандай тиешеси жок экенин айтууда.

    "Учурда УКМК аталган материалды жасоого жана аны жайылтууга тиешеси бар адамдарды аныктап тактоо боюнча иш жүргүзүүдө", — деп жазылат билдирүүдө.
    Эске салсак, кечээ социалдык тармакта Сооронбай Жээнбековго үнү окшош адам менен белгисиз жарандын телефондон сүйлөшкөнү делген аудио тараган.

     

  • 12:38

    "Ысык-Көл" мейманканасындагы элдин асмандан тартылган видеосу

  • 12:32

    "Ысык-Көл" мейманканасынын алдында аппаратуралар орнотулуп, микрофон менен чыгып сүйлөй башташты

    Чогулгандар президент Жээнбековдун кызматтан кетишип талап кылышууда. Алардын арасындагылар депутаттардын мандатын таштап кетиши керек деген сөздөрдү айтышты. Парламенттик шайлоонун мыйзамсыз өткөндүгүн белгилеп жатышат. 

  • 12:29

    Бишкектеги өкмөт үйүнүн алдындагы чогулган эл

    Митинг за отставку президента Сооронбая Жээнбекова у дома правительства в Бишкеке . 15 октября 2020 года
    © Sputnik / Эркин Садыков
    Митинг за отставку президента Сооронбая Жээнбекова у дома правительства в Бишкеке . 15 октября 2020 года
    © Sputnik / Эркин Садыков
    Митинг за отставку президента Сооронбая Жээнбекова у дома правительства в Бишкеке . 15 октября 2020 года
    © Sputnik / Эркин Садыков
    Митинг за отставку президента Сооронбая Жээнбекова у дома правительства в Бишкеке . 15 октября 2020 года
    © Sputnik / Эркин Садыков
  • 12:21
    Флаги Кыргызстана и России во время кыргызско-российского бизнес форума. 14 сентября 2018 года

    Россия Кыргызстанга каржылык колдоо көрсөтүүнү токтотту

    2019-жылы Россия Кыргызстанга кайтарымсыз 30 миллион доллар бөлгөн. 2005-жылдан бери өнөктөш мамлекет Кыргызстандын 700 миллион доллардан ашык карызын кечкен.
    Дагы
  • 12:19

    Мамлекеттик резиденциянын жанына аскердик күчтөр топтолду

  • 12:17

    Ал арада Бишкек шаарынындагы өкмөт үйүнүн алдына эл кайрадан чогулууда

  • 12:13

    Чогулган элге медициналык бет каптар таратылууда

    Чогулган элге медициналык бет каптар таратылууда. Алардын арасынан эски бет каптарды туш келди ыргытпай, таштанды салчу баштыкка таштоону эскертишти. 

  • 12:11

    Бишкекте учурда күн ачык, абанын температурасы +16 градустун тегерегинде. 

  • 12:09

    "Ысык-Көл" мейманканасынын жанына чогулгандар азыр жайбаракат басып жүрүшөт, бир катарлары тамактанып жатса, бир катарлары жөн гана отурушат. 

  • 12:05

    Эл чогулган жерге жеңил автоунаа менен азык-түлк алып келип, тургандар тамактанып жатышат. Ал арада трасса жакта турган бөлүгү "Садыр" деп бир нече ирет кыйкырышты. 

  • 12:04

    Чогулгандардын арасынан отурган жерлерге таштанды калтырып кетпегиле деген эскертүү жасалды. Бир катарлары шам-шум эткенге азык алып келип жатышат. 

  • 12:02

    Мейманканын алдында трассаны бойлой автоунаалар токтоп турат. 

  • 11:56

    Учурда мейманкадан трассага чыга турган жерди Элдик кошуунчулардын формасын кийген жарандар бири-бирин каруудан кармап, тосуп турушат

    "Ысык-Көл" мейманканасы "Ала-Арча" мамлекеттик резинденциясынан кеткен өкмөттүк трассанын боюнча жайгашкан. Элдин бир бөлүгү акырындап жолду көздөй жылган. Учурда мейманкадан трассага чыга турган жерди Элдик кошуунчулардын формасын кийген жарандар бири-бирин каруудан кармап, тосуп, көзөмөлдөп турат. Себеби, жолдон автоунаалар тынымсыз өтөт. 

  • 11:55

    Учурда "Ысык-Көл" мейманканасынын жанына 500гө чукул киши чогулду

  • 11:45

    Учурда "Ала-Арча" мамлекеттик резиденциясында Садыр Жапаров менен Жээнбековдун сүйлөшүүсү жүрүп жатат

    Учурда Кечээ кечинде Жапаров өкмөт үйүнүн алдындагы тарапташтарына чыгып, Жээнбеков менен кызматтан кетүүсү боюнча сүйлөшөрүн айткан.

  • 11:39

    Резиденцияга жакын жайгашкан "Ысык-Көл" мейманканасынын алдынан түз эфир

  • 11:37

    "Ысык-Көлгө" келип жаткан кишилердин видеосу

  • 11:35

    Резиденцияга жакын жайгашкан "Ысык-Көл" мейманканасынан алынган сүрөт

    Митингующие за отставку президента Сооронбая Жээнбекова выходят из автобусов возле гостиницы Иссык-Куль в Бишкеке. 15 октября 2020 года
    © Sputnik / Бакыт Смаилов
    Митингующие за отставку президента Сооронбая Жээнбекова выходят из автобусов возле гостиницы Иссык-Куль в Бишкеке. 15 октября 2020 года
    © Sputnik / Бакыт Смаилов
  • 11:29
  • 11:23

    Эл автобус менен келип, мейманкананын алдына чогулууда. Аларын арасында калпакчан, курагы өтө жаш эмес адамдар да бар. Үч автобус менен болжол менен 150дөй киши келди. Бул жер "Ала-Арча" мамлекеттик резиденциясынан бир нече гана чакырым аралыкта жайгашкан. 

  • 11:20

    Резиденцияга жакын жайгашкан "Ысык-Көл" мейманканасы. Учурдагы көрүнүш

    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Бактияр Бердибеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Бактияр Бердибеков
    Митинг за отставку президента Сооронбая Жээнбекова вокруг гостиницы Иссык-Куль в Бишкеке. 15 октября 2020 года
    © Sputnik / Бактияр Бердибеков
  • 11:19

    Эски аянттан алынган сүрөт

    Митинг за отставку президента Сооронбая Жээнбекова у дома правительства в Бишкеке . 15 октября 2020 года
    © Sputnik / Светлана Федотова
  • 11:18

    Президент Сооронбай Жээнбековдун оставкасын талап кылгандар "президент кетмейин, акырына чейин турушарын" айтышууда.

  • 11:14
  • 11:12
live
Токтобогон митингдер. Бишкектеги абал боюнча онлайн-репортаж
+
1000
Белгилер:
Кыргызстан, Бишкек, Садыр Жапаров, Сооронбай Жээнбеков, митинг, талап
Тема:
Парламенттик шайлоодон кийинки окуялар (471)
Тема боюнча
Эски аянтка чогулгандар "Ысык-Көл" мейманканасын көздөй бет алды